മലപ്പുറം: തിരൂരില് വീട് കത്തി നശിച്ച സംഭവത്തില് വീട്ടുടമസ്ഥന്റെ വാദങ്ങള് തെറ്റെന്ന് പോലിസ്. പവര് ബാങ്ക് പൊട്ടിത്തെറിച്ചല്ല തീപിടിച്ചതെന്നും, ഉടമസ്ഥന് അനധികൃതമായി സൂക്ഷിച്ച പടക്കശേഖരമാണ് പൊട്ടിതെറിച്ചതെന്നും അന്വേഷണത്തില് വ്യക്തമായി. ഇതോടെ വീട്ടുടമ തിരൂര് മുക്കിലിപീടിക സ്വദേശി അബൂബക്കര് സിദ്ധീഖിനെ പോലിസ് അറസ്റ്റ് ചെയ്തു.
കഴിഞ്ഞ ചൊവ്വാഴ്ച്ചയാണ് കേസിനാസ്പദമായ സംഭവം. രാത്രി പത്തരയോടെയാണ് അബൂബക്കറിന്റെ വീട്ടില് തീപിടിത്തമുണ്ടായത്. തീ പടരുന്നത് കണ്ട നാട്ടുകാര് പോലിസില് വിവരമറിയിക്കുകയും, തിരൂര് യൂണിറ്റില് നിന്ന് ഫയര് ഫോഴ്സ് എത്തുകയും ചെയ്തു. തുടർന്ന് നാട്ടുകാരും, ഫയർഫോഴ്സും ചേർന്നാണ് തീയണച്ചത്. പവര് ബാങ്ക് ചാര്ജ് ചെയ്യാനായി വെച്ച് വീട്ടുകാര് പുറത്ത് പോയതിന് പിന്നാലെയാണ് തീപിടിത്തമുണ്ടായതെന്നാണ് അബൂബക്കര് ആദ്യം പറഞ്ഞത്.
സിദ്ധിഖും കുടുംബവും കൂട്ടായിയിലെ ബന്ധുവീട്ടിലേക്ക് പോയപ്പോഴാണ് തീപ്പിടിത്തമുണ്ടായത്. വീടിന് തീപിടിച്ച വിവരം നാട്ടുകാരാണ് സിദ്ധീഖിനെ വിളിച്ചറിയിച്ചത്. വസ്ത്രങ്ങളും ഗൃഹോപകരണങ്ങളും കുട്ടികളുടെ പഠനോപകരണങ്ങളും ചില രേഖകളും ഉള്പ്പടെയെല്ലാം കത്തിനശിച്ചിരുന്നു.
SUMMARY: Power bank not the one that exploded; Homeowner arrested in Tirur house fire incident
