ബെംഗളൂരു : വയനാട് ഉരുള്‍പൊട്ടല്‍ ദുരന്തത്തില്‍ ഇരകളായവരെ പുനരധിവസിക്കുന്നതിന് ഹൊസൂർ കൈരളി സമാജത്തിന്റെ നേതൃത്വത്തിൽ സമാഹരിച്ച പത്തുലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി. തിരുവനന്തപുരത്തെത്തിയാണ് മുഖ്യമന്ത്രി പിണറായി വിജയന് പത്തുലക്ഷം രൂപയുടെ ചെക്ക് കൈമാറിയത്. ജനറൽ സെക്രട്ടറി അനിൽ കെ. നായർ, ഖജാൻജി അനിൽ ദത്ത്, വർക്കിങ് പ്രസിഡന്റ് കെ.വി. അജീവൻ, ചാരിറ്റബിൾ ഫണ്ട് കമ്മിറ്റി ചെയർമാൻ എൻ. ഗോപിനാഥ്, കമ്മിറ്റിയംഗങ്ങളായ സുരേന്ദ്രൻ പിള്ള, എൻ.കെ. പ്രേമരാജ്, എം. രവീന്ദ്രൻ, സ്റ്റീഫൻ, ജോഷി ടി. വർഗീസ്, പി.എൻ. സജിത്ത്കുമാർ, കുമാരൻ, രെജി എസ്. നായർ എന്നിവർ ചടങ്ങില്‍ പങ്കെടുത്തു.
വയനാട്ടിലെ ദുരിതാശ്വാസ ക്യാമ്പുകളിലെക്കുള്ള അവശ്യസാധനങ്ങൾ ശേഖരിച്ച് വരുംദിവസങ്ങളിൽ അയക്കുമെന്നും ഭാരവാഹികൾ അറിയിച്ചു.
<br>
TAGS : HOSUR KAIRALI SAMAJAM | CMDRF
SUMMARY : Wayanad Tragedy; Hosur Kairali Samaj handed over one million rupees to the relief fund.
WhatsApp
Telegram
