ബെംഗളൂരു: വാതക ചോർച്ചയെ തുടർന്ന് സിഎൻജി ഇന്ധന സ്റ്റേഷൻ താൽക്കാലികമായി അടച്ചു. കുശാൽനഗർ താലൂക്കിലെ കുഡ്ലൂർ ഇൻഡസ്ട്രിയൽ ഏരിയയിലാണ് സംഭവം. ബുധനാഴ്ച വൈകീട്ട് മുതലാണ് സ്റ്റേഷനിൽ വാതക ചോർച്ചയുണ്ടായത്. താമസിയാതെ, 10 കിലോമീറ്റർ ചുറ്റളവിൽ താമസിക്കുന്ന ചില കുട്ടികളിലും പ്രായമായവരിലും ഛർദ്ദി, ക്ഷീണം തുടങ്ങിയ അസുഖങ്ങൾ റിപ്പോർട്ട് ചെയ്തു.
ഇതോടെ ഇന്ധന സ്റ്റേഷനെതിരെ നാട്ടുകാർ പോലീസിൽ പരാതിപ്പെടുകയായിരുന്നു. ജീവനക്കാരുടെ അശ്രദ്ധ മൂലമാണ് വാതക ചോർച്ച ഉണ്ടായത്. ജനവാസ മേഖലയിലാണ് ഇന്ധന സ്റ്റേഷൻ സ്ഥാപിച്ചിരിക്കുന്നത്. ഇത്തരം സാഹചര്യം ആളുകളുടെ ആരോഗ്യത്തെ ബാധിക്കുമെന്ന് കുശാൽനഗർ തഹസിൽദാർ കിരൺ ഗൗരയ്യ പറഞ്ഞു. പതിവ് പരിശോധനകൾ നടത്തുന്നതിനിടെയാണ് ചോർച്ച ഉണ്ടായതെന്നും പമ്പിന്റെ പ്രവർത്തനം താൽക്കാലികമായി നിർത്തിവയ്ക്കാൻ ഉത്തരവിട്ടിട്ടുണ്ടെന്നും അദ്ദേഹം പറഞ്ഞു.
TAGS: KARNATAKA | FUEL LEAK
SUMMARY: CNG leak at fuel station near Kushalnagar
WhatsApp
Telegram
