ബെംഗളൂരു: അന്തരിച്ച നടൻ പുനീത് രാജ്കുമാറിന്റെ ജീവിതം കർണാടകയിലെ സ്കൂൾ പാഠ്യപദ്ധതിയിൽ ഉൾപ്പെടുത്താനൊരുങ്ങി സര്ക്കാര്. ഇതിനുള്ള നടപടികള് ആരംഭിതായി കർണാടക പാഠപുസ്തക സൊസൈറ്റി അധികൃതർ അറിയിച്ചു. ബാലതാരമായി സിനിമയിലെത്തി സൂപ്പർതാരമായി വളർന്ന പുനീതിന്റെ ജീവിതവും വിദ്യാർഥികളെ പഠിപ്പിക്കണമെന്ന ആരാധകരുടെ ആവശ്യം സർക്കാർ അംഗീകരിക്കുകയായിരുന്നു. അതേസമയം ഏതുക്ലാസിലെ പുസ്തകത്തിലാണ് ഉൾപ്പെടുത്തുകയെന്ന് വ്യക്തമാക്കിയിട്ടില്ല.
പുനീതിന്റെ പിതാവും കന്നഡ സിനിമയിലെ ഇതിഹാസതാരവുമായ രാജ്കുമാറിന്റെ ജീവിതം സ്കൂൾ പാഠപുസ്തകത്തിന്റെ ഭാഗമാണ്. 2021 ഒക്ടോബർ 29 നാണ് ഹൃദയാഘാതത്തെ തുടർന്ന് 46 കാരനായ പുനീത് മരണമടഞ്ഞത്. ആരാധകർക്കിടയിൽ അപ്പു എന്നാണ് പുനീത് അറിയപ്പെടുന്നത്. കുട്ടിക്കാലത്തു തന്നെ സിനിമയിലെത്തിയ പുനീത് 1985ൽ ‘ബെറ്റെഡ ഹൂവ്’ എന്ന ചിത്രത്തിലെ അഭിനയത്തിന് മികച്ച ബാലതാരത്തിനുള്ള ദേശീയ പുരസ്കാരവും നേടിയിട്ടുണ്ട്. 29 ഓളം കന്നഡ ചിത്രങ്ങളിൽ പുനീത് അഭിനയിച്ചിട്ടുണ്ട്.
SUMMARY: Puneeth Rajkumar’s life to be included in school textbooks in Karnataka
WhatsApp
Telegram
