ബെംഗളൂരു: നഗരത്തില് ഇരുചക്ര, നാലുചക്ര വാഹന യാത്രക്കാർ ഉയർന്ന തീവ്രതയുള്ള ലൈറ്റുകൾ ഉപയോഗിക്കുന്നതിനെതിരെ നിയന്ത്രണം ഏര്പ്പെടുത്തി ട്രാഫിക് പോലീസ്. ചുവപ്പ്, മഞ്ഞ, നീല നിറങ്ങളിലുള്ള ലൈറ്റുകളും അമിതമായി പ്രകാശമുള്ള ഹെഡ്ലൈറ്റുകളും ഉള്ള വാഹനങ്ങൾ രാത്രി സമയങ്ങളിൽ അപകട സാധ്യത വർദ്ധിപ്പിക്കുന്നതിനാലാണ് നടപടി. ജനുവരി 7 മുതൽ 13 വരെ ബെംഗളൂരു ട്രാഫിക് പോലീസിന്റെ എൻഫോഴ്സ്മെന്റ് ഡ്രൈവിന്റെ ഭാഗമായാണ് നടപടി. റോഡുകളില് കർശന പരിശോധനകൾ നടത്താനും നിയമലംഘകർക്കെതിരെ കേസുകൾ രജിസ്റ്റർ ചെയ്യാനും പിഴ ചുമത്താനും ബെംഗളൂരു ജോയിന്റ് പോലീസ് കമ്മീഷണർ (ട്രാഫിക്) കാർത്തിക് റെഡ്ഡി ട്രാഫിക് പോലീസിനോട് നിർദ്ദേശിച്ചു.
SUMMARY: Strict restrictions on high beam and colored lights of vehicles in Bengaluru
