വിദേശ യാത്ര വെട്ടി ചുരുക്കി മുഖ്യമന്ത്രി പിണറായി വിജയൻ. യാത്ര വെട്ടി ചുരുക്കിയ മുഖ്യമന്ത്രിയും കുടുംബവും ദുബായില്‍ എത്തിയിട്ടുണ്ട്. കുടുംബത്തോടൊപ്പം ദുബായില്‍ എത്തിയ അദ്ദേഹം ഇന്ന് നടന്ന മന്ത്രിസഭാ യോഗത്തില്‍ ഓണ്‍ലൈനായി ദുബായില്‍ നിന്ന് പങ്കെടുക്കുകയും ചെയ്തു.
ദുബായില്‍ മെയ് 19 ന് തിരിച്ചെത്താൻ തീരുമാനിച്ച അദ്ദേഹം നിശ്ചയിച്ച പ്രകാരമുള്ള യാത്രയില്‍ മാറ്റം വരുത്തിയിട്ടുണ്ട്. മെയ് 20ന് യാത്ര കഴിഞ്ഞ് കേരളത്തില്‍ മടങ്ങിയെത്തും എന്ന് ഓണ്‍ലൈനായി നടന്ന മന്ത്രിസഭാ യോഗത്തില്‍ അദ്ദേഹം അറിയിച്ചു. ദുബായിലെത്തിയ പിണറായി വിജയനും കുടുംബവും ദുബായ് ഗ്രാൻഡ് ഹയാത്തിലാണ് താമസിക്കുന്നത്.
മെയ് 22 ന് യാത്ര അവസാനിച്ച്‌ അദ്ദേഹം കേരളത്തില്‍ തിരിച്ചെത്തും എന്നാണ് നേരത്തെ അറിയിച്ചിരുന്നത്. ഇതാണ് ഇപ്പോള്‍ മെയ് 20 ലേക്ക് മാറ്റിയിരിക്കുന്നത്. മുഖ്യമന്ത്രി പിണറായി വിജയൻ, ഭാര്യ കമല, മകള്‍ വീണ, മരുമകനും മന്ത്രിയുമായ പി എ മുഹമ്മദ് റിയാസ്, ചെറുമകൻ എന്നിവർക്കൊപ്പമാണ് ഈ മാസം ആറിന് വിദേശ യാത്രയ്‌ക്കായി മുഖ്യമന്ത്രി കേരളത്തില്‍ നിന്നും പുറപ്പെട്ടത്.
WhatsApp
Telegram
