ഐപിഎൽ; പഞ്ചാബിനെ തോൽപ്പിച്ച് രാജസ്ഥാൻ റോയൽസ്

ഐപിഎല്ലിൽ പഞ്ചാബിനെ തോൽപ്പിച്ച് രാജസ്ഥാൻ റോയൽസ്. സഞ്ജു സാംസൺ ക്യാപ്റ്റനായി മടങ്ങിയെത്തിയ ആദ്യ മത്സരത്തിൽ തന്നെയാണ് ടീം ജയം പിടിച്ചത്. ആദ്യ രണ്ട് കളിയും ജയിച്ച് നിന്ന പഞ്ചാബ് കിങ്സിനെ 50 റൺസിന് ആണ് രാജസ്ഥാൻ റോയൽസ് തോൽപ്പിച്ചത്. രാജസ്ഥാൻ റോയൽസ് മുൻപിൽ വെച്ച 206 റൺസ് വിജയ ലക്ഷ്യം പിന്തുടർന്ന പഞ്ചാബിന് നിശ്ചിത ഓവറിൽ ഒൻപത് വിക്കറ്റ് നഷ്ടത്തിൽ കണ്ടെത്താനായത് 151 റൺസ്.

മൂന്ന് വിക്കറ്റ് പിഴുത ജോഫ്ര ആർച്ചറും രണ്ട് വീതം വിക്കറ്റെടുത്ത സന്ദീപ് ശർമയും മഹീഷ് തീക്ഷ്ണയുമാണ് രാജസ്ഥാനെ സീസണിലെ രണ്ടാമത്തെ ജയത്തിലേക്ക് എത്തിച്ചത്. 41 പന്തിൽ നിന്ന് 62 റൺസ് എടുത്ത നേഹാൽ വധേര മാത്രമാണ് പഞ്ചാബ് കിങ്സിനായി പൊരുതിയത്. മക്സ്വെൽ 30 റൺസ് നേടി. നേരത്തെ ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ രാജസ്ഥാനെ തുണച്ചത് യശസ്വി ജയ്സ്വാളിന്റെ അർധ ശതകവും റിയാൻ പരാഗിന്റെ ഇന്നിങ്സും ആയിരുന്നു. ജുറെലിന്റെ കാമിയോയും രാജസ്ഥാനെ സ്കോർ 200ൽ എത്തിക്കാൻ തുണച്ചു.

TAGS: SPORTS | IPL
SUNMARY: Sanjus Rajasthan royals won against Punjab in IPL