ഐപിഎൽ; മെട്രോ സർവീസ് സമയം ദീർഘിപ്പിച്ചു

ബെംഗളൂരു: ബെംഗളൂരുവിൽ ഐപിഎൽ മത്സരങ്ങൾ നടക്കുന്നതിന്റെ പശ്ചാത്തലത്തിൽ മെട്രോ സർവീസ് സമയം ദീർഘിപ്പിച്ചു. എം. ചിന്നസ്വാമി സ്റ്റേഡിയത്തിൽ ഏപ്രിൽ 2, 10, 18, 24, മെയ് 3, 13, 17 എന്നീ ദിവസങ്ങളിലാണ് ഐപിഎൽ മത്സരങ്ങൾ നടക്കുന്നത്. ഈ ദിവസങ്ങളിൽ കാണികൾക്ക് സുഗമമായ യാത്ര ഉറപ്പാക്കാൻ മെട്രോ പ്രവർത്തനങ്ങൾ സാധാരണ സമയത്തിനപ്പുറം നീട്ടുമെന്ന് ബിഎംആർസിഎൽ അറിയിച്ചു. വൈറ്റ്ഫീൽഡ് (കാടുഗോഡി), ചല്ലഘട്ട, സിൽക്ക് ഇൻസ്റ്റിറ്റ്യൂട്ട്, മാധവാര എന്നീ നാല് മെട്രോ ടെർമിനൽ സ്റ്റേഷനുകളിൽ നിന്ന് അവസാന മെട്രോ ട്രെയിൻ പുലർച്ചെ 12.30 ന് പുറപ്പെടും. നാദപ്രഭു കെമ്പെഗൗഡ സ്റ്റേഷനിൽ (മജസ്റ്റിക്) നിന്നുള്ള അവസാന ട്രെയിൻ എല്ലാ ദിശകളിലേക്കും പുലർച്ചെ 1.15 ന് ആയിരിക്കും മാച്ച് നടക്കുന്ന ദിവസങ്ങളിൽ പുറപ്പെടുക.

TAGS: BENGALURU | IPL
SUMMARY: Metro service time extended amid ipl match