ബെംഗളൂരു: കർണാടക പോലീസ് മേധാവിയായി ഡോ. എം. എ. സലീമിനെ നിയമിച്ചു. സംസ്ഥാന ഡയറക്ടർ ജനറൽ ഓഫ് പോലീസ് (ഡിജി – ഐജിപി) ഡോ. അലോക് മോഹൻ സർവീസിൽ നിന്ന് വിരമിച്ചതിനെ തുടർന്നാണ് പുതിയ നിയമനം. 1993 ബാച്ച് കർണാടക കേഡർ ഐപിഎസ് ഉദ്യോഗസ്ഥനും നിലവിലെ സിഐഡി ഡിജിപിയുമാണ് എം.എ. സലീം.
കഴിഞ്ഞ 30 വർഷമായി അദ്ദേഹം പോലീസ് വകുപ്പിൽ വിവിധ സ്ഥാനങ്ങൾ വഹിച്ചിട്ടുണ്ട്. 1995-ൽ കുശാൽനഗർ എഎസ്പിയായി സർവീസിൽ പ്രവേശിച്ച അദ്ദേഹത്തിനു, 1998-ൽ ഉഡുപ്പി പോലീസ് സൂപ്രണ്ടായി സ്ഥാനക്കയറ്റം ലഭിച്ചു. പിന്നീട് മൈസൂരു സിറ്റി പോലീസ് കമ്മീഷണർ, ബെംഗളൂരു സ്പെഷ്യൽ പോലീസ് കമ്മീഷണർ എന്നീ നിലകളിൽ സേവനമനുഷ്ഠിച്ചു. പോലീസ് വകുപ്പിലെ അഴിമതി വിരുദ്ധ ബ്യൂറോയുടെ (എസിബി) തലവനായും അദ്ദേഹം പ്രവർത്തിച്ചിട്ടുണ്ട്.
TAGS: KARNATAKA | POLICE
SUMMARY: MA Saleem appointed as new police chief of state
WhatsApp
Telegram
