ബെംഗളൂരു: കർണാടക മുഖ്യമന്ത്രി സിദ്ധരാമയ്യയെ ഉപമുഖ്യമന്ത്രി ഡി.കെ. ശിവകുമാർ തള്ളിയിടുന്ന എഐ(നിർമിതബുദ്ധി) വീഡിയോ നിർമിച്ച് പ്രചരിപ്പിച്ച ഇൻസ്റ്റഗ്രാം യൂസറുടെ പേരില്‍ കേസെടുത്ത് പോലീസ്. കന്നഡ ചിത്രരംഗ എന്നപേരിലുള്ള ഇൻസ്റ്റഗ്രാം അക്കൗണ്ടാണ് നിർമിതബുദ്ധി ഉപയോഗിച്ച് നിർമിച്ച വീഡിയോ പ്രചരിപ്പിച്ചത്.
ഒരു യോഗത്തിൽ സംഭവിച്ച കാര്യമെന്നരീതിയിലായിരുന്നു വീഡിയോ. ഡി.കെ. ശിവകുമാർ മുഖ്യമന്ത്രിയെ തള്ളിയിടുന്നു എന്ന രീതിയിലാണ് വീഡിയോ പ്രചരിപ്പിച്ചത്. ഇതിനെതിരേ ബെംഗളൂരുവിലെ അഭിഭാഷകനായ സി.ആർ. ദീപു നൽകിയ പരാതിയിൽ ബെംഗളൂരു സദാശിവനഗർ പോലീസാണ് കേസെടുത്തത്.
SUMMARY: Case filed against person who circulated fake video of Shivakumar pushing Siddaramaiah
