ബെംഗളൂരു: തിരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്രമോദി വീണ്ടും കര്‍ണാടകയിലേക്ക്. 14ന് മൈസുരുവില്‍ നടക്കുന്ന തിരഞ്ഞെടുപ്പ് കണ്‍വെന്‍ഷനില്‍ പങ്കെടുക്കും. മംഗളൂരുവിലെ റോഡ് ഷോയിലും അദ്ദേഹം പങ്കെടുക്കും.
തിരഞ്ഞെടുപ്പ് പ്രഖ്യാപിച്ചതിന് പിന്നാലെ ഇത് മൂന്നാം തവണയാണ് മോദി കര്‍ണാടക സന്ദർശിക്കുന്നത്. ഇതിന് മുമ്പ് കലബുര്‍ഗിയും ശിവമോഗയിലും മോദി പ്രചാരണത്തിന് എത്തിയിരുന്നു. എന്നാൽ തെക്കന്‍ കര്‍ണാടകയില്‍ പ്രധാനമന്ത്രിയുടെ ആദ്യ പര്യടനമാണിത്.
പ്രധാനമന്ത്രി മൈസൂരുവില്‍ മെഗാ റാലിയെ അഭിസംബോധന ചെയ്യുമെന്നും മംഗളൂരുവില്‍ റോഡ്ഷോ നടത്തുമെന്നും ബിജെപി ജനറല്‍ സെക്രട്ടറി വ. സുനില്‍ കുമാര്‍ പറഞ്ഞു. ഏപ്രില്‍ 26ന് തിരഞ്ഞെടുപ്പ് നടക്കുന്ന മൈസൂരു, ചാമരാജനഗര്‍, മാണ്ഡ്യ, ഹാസന്‍ ലോക്സഭാ മണ്ഡലങ്ങളില്‍ നിന്നുള്ള പാര്‍ട്ടി പ്രവര്‍ത്തകരുമായി മോദി കൂടിക്കാഴ്ച നടത്തും.
പ്രധാനമന്ത്രിക്കൊപ്പം ബിജെപിയുടെയും ജെഡിഎസിന്റെയും നേതാക്കളും പങ്കെടുക്കും. മോദിക്ക് പിന്നാലെ, പതിനഞ്ചിന് കേന്ദ്ര വിദേശകാര്യ മന്ത്രി എസ് ജയശങ്കറും തിരഞ്ഞെടുപ്പ് പ്രചാരണത്തിനായി സംസ്ഥാനത്ത് എത്തുമെന്നാണ് വിവരം.
The post തിരഞ്ഞെടുപ്പ് പ്രചാരണം; പ്രധാനമന്ത്രി 14ന് കർണാടകയിൽ appeared first on News Bengaluru.
Powered by WPeMatico
WhatsApp
Telegram
