പ്രവാസി മലയാളി അസോസിയേഷൻ ഓണാഘോഷം ഇന്ന്

ബെംഗളൂരു : പ്രവാസി മലയാളി അസോസിയേഷൻ ഓണാഘോഷപരിപാടികള്‍ ഇന്ന് രാവിലെ ഒമ്പത് മണി മുതല്‍ ചന്നസാന്ദ്ര തിരുമല ഷെട്ടി ഹള്ളി ക്രോസിലെ ശ്രീസായി പാലസിൽ നടക്കും.. മഞ്ജുള അരവിന്ദ് ലിംബാവലി എം.എൽ.എ., മുൻമന്ത്രി അരവിന്ദ് ലിംബാവലി, ഡി.സി.പി. ഡോ. ശിവകുമാർ ഗുണരെ എന്നിവർ വിശിഷ്ടാതിഥികളാകും. വിഭവസമൃദ്ധമായ ഓണസദ്യ, ശിങ്കാരിമേളം, പിന്നണിഗായിക റിമി ടോമിയും സംഘവും അവതരിപ്പിക്കുന്ന മെഗാ മ്യൂസിക്കൽ ഇവന്റ് എന്നിവ അരങ്ങേറും.

വൈകീട്ട് അഞ്ചിന് നടക്കുന്ന മെഗാ മ്യൂസിക്കൽ ഇവന്റില്‍ കൗഷിക്, നിഖിൽരാജ്, ശ്യാമപ്രസാദ് എന്നിവർ പങ്കെടുക്കും. പ്രശസ്ത വയലനിസ്റ്റ് മനോജ് ജോർജ് അവതരിപ്പിക്കുന്ന വയലിൻ ഫ്യൂഷൻ ഉണ്ടാകും. മലയാള ചാനൽ ഷോകളിലൂടെ ശ്രദ്ധേയയായ മീര അനിലാണ് പരിപാടിയുടെ അവതാരക.
<BR>
TAGS : PRAVASI MALAYALI ASSOCIATION | ONAM-2024