ബെംഗളൂരു: ബെംഗളൂരുവിൽ ബി.എസ്.സി വിദ്യാർഥിനിയെ പിജി മുറിയിൽ മരിച്ച നിലയിൽ കണ്ടെത്തി. യെലഹങ്കയിലെ സ്വകാര്യ പിജിയിൽ ഞായറാഴ്ച രാവിലെയാണ് സംഭവം. രേവ യൂണിവേഴ്സിറ്റിയിലെ രണ്ടാം വർഷ ബി.എസ്.സി. വിദ്യാർഥിനിയും കശ്മീരിലെ ബുഡ്ഗാം സ്വദേശിയുമായ തൻവീറിനെയാണ് (21) റൂമിൽ തൂങ്ങിമരിച്ച നിലയിൽ കണ്ടത്.
സഹപാഠികളാണ് ആദ്യം മൃതദേഹം കണ്ടത്. തുടർന്ന് പിജി ഉടമയേയും, പോലീസിനെയും വിവരമറിയിച്ചു. മുറിയിൽ നിന്ന് ആത്മഹത്യാ കുറിപ്പ് കണ്ടെടുത്തിട്ടുണ്ടെന്ന് പോലീസ് പറഞ്ഞു. തന്റെ മരണത്തിൽ ആരും ഉത്തരവാദികളല്ലെന്ന് കുറിപ്പിൽ എഴുതിയതായും പോലീസ് പറഞ്ഞു. തൻവീറിന്റെ മൃതദേഹം പോസ്റ്റ്‌മോർട്ടത്തിനായി സ്വകാര്യ ആശുപത്രിയിലേക്ക് മാറ്റി. വീട്ടുകാരെ വിവരമറിച്ചിട്ടുണ്ടെന്നും, സംഭവത്തിൽ കേസെടുത്ത് അന്വേഷണം ആരംഭിച്ചതായും പോലീസ് പറഞ്ഞു.
TAGS: BENGALURU | DEATH
SUMMARY: BSC student found dead inside pg room
WhatsApp
Telegram
