ബെംഗളൂരു: ബെംഗളൂരുവിലെ 279 അനധികൃത ലേഔട്ടുകളിൽ നിന്ന് സൈറ്റുകളോ വീടുകളോ വാങ്ങരുതെന്ന് മുന്നറിയിപ്പ് നൽകി നഗര വികസന അതോറിറ്റി (ബിഡിഎ). അനധികൃതമായി കൈവശപ്പെടുത്തിയ 279 ലേഔട്ടുകളുടെയും പട്ടിക ബിഡിഎ പ്രസിദ്ധീകരിച്ചു. കാർഷിക ഭൂമിയെ നിയമവിരുദ്ധമായ മാർഗങ്ങളിലൂടെയാണ് കെട്ടിടനിർമാണത്തിനായി ഉപയോഗിച്ചതെന്ന് ബിഡിഎ ഉദ്യോഗസ്ഥർ പറഞ്ഞു.
ഇവയിൽ 52 എണ്ണം ബിദരഹള്ളി ഹോബ്ലിയിലും, 16 എണ്ണം യെലഹങ്ക ഹോബ്ലിയിലും, 29 ജല ഹോബ്ലിയിലും, 41 കെംഗേരിയിലും, 4 ഉത്തരഹള്ളിയിലും, 53 ജിഗനിയിലും, 14 ബെഗൂരിലും, സർജാപുരയിൽ 29, കെആർ പുരത്ത് 5, എട്ട് സൈറ്റുകൾ വർത്തൂരിലുമാണുള്ളത്. ഏതെങ്കിലും ലേഔട്ടിൽ സൈറ്റുകളോ വീടുകളോ വാങ്ങാൻ പണം നിക്ഷേപിക്കുന്ന പൊതുജനങ്ങൾ ഭൂമിയുടെ യഥാർത്ഥ രേഖകൾ ആർടിഒ വഴിയോ വില്ലേജ് ഓഫിസ് വഴിയോ വാങ്ങി പരിശോധിക്കേണ്ടതാണെന്ന് ബിഡിഎ ഉദ്യോഗസ്ഥർ വിശദീകരിച്ചു.
ബിബിഎംപി, ബിഡിഎ പരിധിയിലെ അനധികൃത ലേഔട്ടുകളുടെ കൃത്യമായ എണ്ണം കണ്ടെത്തുന്നതിന് പ്രത്യേക സംഘത്തെ രൂപീകരിച്ചിട്ടുണ്ടെന്ന് ബിഡിഎ ഉദ്യോഗസ്ഥർ പറഞ്ഞു. നിലവിൽ അനധികൃതമാണെന്ന് കണ്ടെത്തിയ 279 സൈറ്റുകളിൽ നിരവധി കെട്ടിടങ്ങൾ നിർമിച്ചിട്ടുണ്ട്. ഇവ പൊളിച്ചുനീക്കാനുള്ള നടപടികൾ ആരംഭിച്ചിട്ടുണ്ട്.
#BDA unearths 279 unauthorized #layouts in #Bengaluru, cautions #public against investing
Read more: https://t.co/HShwAN2AwT
— NewsFirst Prime (@NewsFirstprime) April 22, 2024
The post ബെംഗളൂരുവിലെ 279 സൈറ്റുകൾ വാങ്ങുന്നതിനെതിരെ മുന്നറിയിപ്പുമായി വികസന അതോറിറ്റി appeared first on News Bengaluru.
WhatsApp
Telegram
