ബെംഗളൂരു: ബിജെപി കർണാടക ഘടകത്തിലെ വിഭാഗീയത പരിഹരിക്കാൻ സംസ്ഥാന പര്യടനത്തിന് മുതിർന്ന നേതാക്കൾ രംഗത്ത്. കേന്ദ്രമന്ത്രി പ്രഹ്ലാദ് ജോഷി, മുൻ മുഖ്യമന്ത്രി സദാനന്ദ ഗൗഡ, ചിത്രദുർഗ എംപി ഗോവിന്ദ് കർജോൾ എന്നിവരുടെ സംഘമാകും ജില്ലകൾ കേന്ദ്രീകരിച്ച് പ്രവർത്തകരുമായി സംസാരിക്കുക. പ്രാദേശിക നേതാക്കളുമായി കൂടിക്കാഴ്ച നടത്തി പാർട്ടി തീരുമാനങ്ങൾ വിശദീകരിക്കും. വിഭാഗീയത പാർട്ടിയെ ദോഷകരമായി ബാധിക്കുന്നുണ്ടെന്നും ഇതിനു പരിഹാരം കാണാനാണ് ശ്രമിക്കുന്നതെന്നും സദാനന്ദ ഗൗഡ പ്രതികരിച്ചു.
സംസ്ഥാന പ്രസിഡന്റു സ്ഥാനത്തെ ചൊല്ലി അനിശ്ചിതത്വം തുടരുന്നതിനിടെയാണ് നടപടി. നിലവിലെ പ്രസിഡന്റ് ബി.വൈ. വിജയേന്ദ്ര തുടരണമെന്നാണ് ഒരു വിഭാഗത്തിന്റെ ആവശ്യം. പുതിയ പ്രസിഡന്റ് വേണമെന്ന് വിമതപക്ഷവും ആവശ്യപ്പെടുന്നു.
SUMMARY: BJP senior leaders visit districts to stem differences
