ബെംഗളൂരുവിൽ രണ്ട് ദിവസത്തേക്ക് കനത്ത മഴയ്ക്ക് സാധ്യത

ബെംഗളൂരു: ബെംഗളൂരുവിൽ അടുത്ത രണ്ട് ദിവസത്തേക്ക് കനത്ത മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. നഗരത്തിൽ ഇടിമിന്നലോട് കൂടിയ മഴയ്ക്കാണ് സാധ്യത. വെള്ളിയാഴ്ച നഗരത്തിൽ കുറഞ്ഞ താപനില 19 ഡിഗ്രി സെൽഷ്യസും കൂടിയ താപനില 28 ഡിഗ്രി സെൽഷ്യസുമാണ് രേഖപ്പെടുത്തിയത്.

ദിവസങ്ങളായി തുടരുന്ന നേരിയ മഴയ്ക്ക് വരും ദിവസങ്ങളിൽ ശമനമുണ്ടാകുമെന്ന് ഐഎംഡി നേരത്തെ അറിയിച്ചിരുന്നു. എന്നാൽ വരുന്ന മൂന്ന് ദിവസങ്ങളിൽ നഗരത്തിൽ മഴ തുടരും. ഡിസംബർ 9 മുതൽ മൂടൽമഞ്ഞും തണുപ്പും നിറഞ്ഞ പതിവ് കാലാസ്ഥയുണ്ടാകും. താപനില 19 ഡിഗ്രി സെൽഷ്യസിനും 28 ഡിഗ്രി സെൽഷ്യസിനും ഇടയിലാകും ഈ ദിവസങ്ങളിൽ അനുഭവപ്പെടുകയെന്ന് ഐഎംഡി അറിയിച്ചു.

TAGS: BENGALURU | RAIN
SUMMARY: Heavy rain to lash in parts of city for next two days