മന്ത്രിയുടെ സഹായിയെന്ന വ്യാജേന തട്ടിപ്പ്; സർക്കാർ ഉദ്യോഗസ്ഥക്ക് 80,000 രൂപ നഷ്ടപ്പെട്ടെന്ന് പരാതി

ബെംഗളൂരു: മന്ത്രിയുടെ സഹായിയെന്ന വ്യാജേന സർക്കാർ ഉദ്യോഗസ്ഥയിൽ നിന്ന് 80,000 രൂപ തട്ടിയെടുത്തതായി പരാതി. ഐടി – ബിടി വകുപ്പ് മന്ത്രി പ്രിയങ്ക് ഖാർഗെയുടെ സഹായിയെന്ന വ്യാജേനയാണ് പ്രതികൾ തട്ടിപ്പ് നടത്തിയത്. സംഭവത്തിൽ പ്രിയങ്ക് ഖാർഗെയുടെ സ്പെഷ്യൽ ഡ്യൂട്ടിയിലുള്ള ഓഫീസർ ഡോ. നാഗരാജ് നൽകിയ പരാതിയിൽ വിധാൻ സൗധ പോലീസ് കേസെടുത്തു.

എക്‌സിക്യൂട്ടീവ് എഞ്ചിനീയറായ കാവ്യയാണ് തട്ടിപ്പിനിരയായത്. സ്ഥാനക്കയറ്റം നൽകാമെന്ന് പറഞ്ഞാണ് പ്രതികൾ കാവ്യയെ സമീപിച്ചത്. പോസ്റ്റിങ്ങിനായി ആദ്യം രണ്ടുലക്ഷം രൂപയാണ് ആവശ്യപ്പെട്ടത്. എന്നാൽ ഇത്രയധികം പണം തന്റെ പക്കലില്ലെന്നും, ഗഡുക്കളായി പണം നൽകാമെന്നും കാവ്യ പ്രതികളെ അറിയിച്ചു.

ഇതേതുടർന്ന് 80,000 രൂപ പണമായി പ്രതികൾക്ക് കാവ്യ കൈമാറി. പിന്നീട് ഇവരെ ഫോണിൽ ബന്ധപ്പെടാൻ ശ്രമിച്ചെങ്കിലും നടന്നില്ല. ഇതോടെയാണ് കാവ്യയ്ക്ക് തട്ടിപ്പ് മനസിലായത്. തുടർന്ന് മന്ത്രിയെ വിവരം അറിയിക്കുകയിരുന്നു.

TAGS: BENGALURU | BOOKED
SUMMARY: Miscreants dupes Karnataka govt engineer by posing as IT minister Priyank Kharge’s aide