റെയില്‍വേയില്‍ ജൂനിയർ എൻജിനിയർ, സൂപ്പർവൈസർ തസ്തികകളില്‍ 7951 ഒഴിവ്. റെയില്‍വേ റിക്രൂട്ട്മെന്റ് ബോർഡ് അപേക്ഷ ക്ഷണിച്ചു. തിരുവനന്തപുരം ഉള്‍പ്പെടെയുള്ള 20 റിക്രൂട്ട്മെന്റ് ബോർഡുകളില്‍ ജൂനിയർ എൻജിനിയർ/ഡിപ്പോ മെറ്റീരിയല്‍ സൂപ്രണ്ട്/കെമിക്കല്‍ ആൻഡ് മെറ്റലർജിക്കല്‍ അസിസ്റ്റന്റ് തസ്തികകളിലായി 7934 ഒഴിവും ഗൊരഖ്പുർ ആർ.ആർ.ബി.യില്‍ കെമിക്കല്‍ സൂപ്പർവൈസർ/റിസർച്ച്‌ ആൻഡ് മെറ്റലർജിക്കല്‍ സൂപ്പർവൈസർ തസ്തികകളിലായി 17 ഒഴിവുമാണുള്ളത്.
വിജ്ഞാപന നമ്പർ: RRB/BBS/Advt./CEN-03/ 2024. കെമിക്കല്‍ സൂപ്പർവൈസർ/റിസർച്ച്‌ ആൻഡ് മെറ്റലർജിക്കല്‍ സൂപ്പർവൈസർ തസ്തികകളില്‍ 44,900 രൂപയും മറ്റ് തസ്തികകളില്‍ 35,400 രൂപയുമാണ് അടിസ്ഥാനശമ്പളം. കെമിക്കല്‍ സൂപ്പർവൈസർ/മെറ്റലർജിക്കല്‍ സൂപ്പർവൈസർ: ബന്ധപ്പെട്ട വിഷയത്തിലുള്ള ബിരുദവും കമ്പ്യൂട്ടർ പരിജ്ഞാനവുമാണ് യോഗ്യത.
ജൂനിയർ എൻജിനിയർ: മെക്കാനിക്കല്‍/ഇലക്‌ട്രിക്കല്‍/ഇലക്‌ട്രോണിക്സ് എൻജിനിയറിങ്/പ്രൊഡക്‌ഷൻ/ഓട്ടോ മൊബൈല്‍/ഇൻസ്ട്രുമെന്റേഷൻ ആൻഡ് കണ്‍ട്രോള്‍ എൻജിനിയറിങ്/മാനുഫാക്ചറിങ്/മെക്കട്രോണിക്സ്/ഇൻഡസ്ട്രിയല്‍/മെഷിനിങ്/ടൂള്‍സ് ആൻഡ് ഡൈ മേക്കിങ്/ഫിസിക്സ്/ഇൻഫർമേഷൻ ടെക്നോളജി എന്നീ വിഷയങ്ങളിലോ അല്ലെങ്കില്‍ ഇവയുടെ കോമ്പിനേഷനിലോയുള്ള ത്രിവത്സര ഡിപ്ലോമ/എൻജിനിയറിങ് ബിരുദം.
കെമിക്കല്‍ ആൻഡ് മെറ്റലർജിക്കല്‍ അസിസ്റ്റന്റ്: 45 ശതമാനം മാർക്കോടെ ഫിസിക്സ്, കെമിസ്ട്രി കോമ്പിനേഷനിലുള്ള ബിരുദം.
ഡിപ്പോ മെറ്റീരിയല്‍ സൂപ്രണ്ട്: ഏതെങ്കിലും വിഷയത്തിലുള്ള ത്രിവത്സര എൻജിനിയറിങ് ഡിപ്ലോമ. ബന്ധപ്പെട്ട റിക്രൂട്ട്മെന്റ് ബോർഡുകളുടെ വെബ്സൈറ്റ് വഴി ഓണ്‍ലൈനായി അപേക്ഷിക്കണം. തിരുവനന്തപുരം ആർ.ആർ.ബി.യുടെ വെബ്സൈറ്റ്: www.rrbthiruvananthapuram.gov.in | അവസാനതീയതി: ഓഗസ്റ്റ് 29.
TAGS : JOB VACCANCY | RAILWAY
SUMMARY : 7951 Vacancies in Railways
WhatsApp
Telegram
