ലക്ഷങ്ങൾ വിലവരുന്ന സാരികൾ മോഷ്ടിച്ചു; നാല് യുവതികൾ പിടിയിൽ

ബെംഗളൂരു: ലക്ഷങ്ങൾ വിലമതിക്കുന്ന സിൽക്ക് സാരികൾ മോഷ്ടിച്ച നാല് യുവതികൾ പിടിയിൽ. ജെപി നഗറിലെ സിൽക്ക് സ്റ്റോറിലാണ് സംഭവം. ബെംഗളൂരു സ്വദേശിനികളായ യുവതികളാണ് പിടിയിലായത്. ഏകദേശം 17.5 ലക്ഷം രൂപ വിലമതിക്കുന്ന 38 പട്ടുസാരികളാണ് ഇവർ മോഷ്ടിച്ചത്. കടയിലെ തൊഴിലാളികളുടെ ശ്രദ്ധ തിരിച്ചാണ് ഇവർ മോഷണം നടത്തുന്നത്.

ആദ്യം രണ്ട് സ്ത്രീകൾ കടയിലെത്തി സാരികളുടെ വില ചോദിക്കും. പിന്നാലെ മറ്റ്‌ രണ്ട് പേർ കൂടിയെത്തി മോഷണം നടത്തും. സിസിടിവി കാമറകളില്ലാത്ത കടയിലാണ് ഇവർ മോഷണം നടത്തിയിരുന്നത്.

കഴിഞ്ഞ ദിവസം ജെപി നഗർ സിൽക്ക് സ്റ്റോറിൽ എത്തിയ ഉവരുർ പെരുമാറ്റത്തിൽ സംശയം തോന്നിയ കടയിലെ ജീവനക്കാർ പോലീസിനെ വിവരമറിയിക്കുകയായിരുന്നു. തുടർന്ന് നടത്തിയ അന്വേഷണത്തിലാണ് ഇവർ നടത്തിയ മറ്റ് മോഷണങ്ങളെ കുറിച്ച് പോലീസ് കണ്ടെത്തിയത്.

TAGS: BENGALURU | ARREST
SUMMARY: Bengaluru police arrest four women for silk saree thefts worth Rs 17.5 lakh