ബെംഗളൂരു: കർണാടകയിൽ ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. അടുത്ത മൂന്ന് ദിവസങ്ങളിൽ തീരദേശ കർണാടക ജില്ലകളിൽ ശക്തമായ കാറ്റിനും ഇടിമിന്നലോട് കൂടിയ മഴയ്ക്കും സാധ്യതയുള്ളതായി എംഐഡി മുന്നറിയിപ്പ് നൽകി. തീരദേശ ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ട്.
ജൂൺ 9ന് റെഡ് അലർട്ടും 11, 12 തീയതികളിൽ ഓറഞ്ച് അലർട്ടുമാണ് പ്രഖ്യാപിച്ചിട്ടുള്ളത്. അടുത്ത അഞ്ച് ദിവസത്തേക്ക് മത്സ്യത്തൊഴിലാളികൾ പുറത്തിറങ്ങരുതെന്നും ഐഎംഡി മുന്നറിയിപ്പ് നൽകിയിട്ടുണ്ട്.
വെള്ളിയാഴ്ച മുതൽ ദക്ഷിണ കന്നഡ, ഉഡുപ്പി ജില്ലകളിൽ കനത്ത മഴയാണ് പെയ്യുന്നത്. ജില്ലയിൽ കാലവർഷം നേരിയ തോതിൽ ശക്തി പ്രാപിച്ചിട്ടുണ്ട്. മംഗളൂരുവിലും ഉള്ളാളിലും നിരവധി വീടുകളിൽ വെള്ളം കയറി. ശനിയാഴ്ച ഉച്ചവരെ പലയിടത്തും കനത്ത മഴയാണ് രേഖപ്പെടുത്തിയത്. വെള്ളിയാഴ്ച മാത്രം മംഗളൂരുവിൽ 31.6 മില്ലിമീറ്റർ മഴ രേഖപ്പെടുത്തി.
TAGS: KARNATAKA| RAIN UPDATES
SUMMARY: Heavy rain predicts in coastal karnataka imd issues red alert
WhatsApp
Telegram
