കൊച്ചി: നടന് ദിലീപിന്റെ പാസ്പോര്ട്ട് തിരിച്ചുനല്കും. എറണാകുളം പ്രിന്സിപ്പല് സെഷന്സ് കോടതിയുടേതാണ് തീരുമാനം. പുതിയ സിനിമ റിലീസ് ചെയ്തുവെന്നും ചിത്രത്തിന്റെ പ്രൊമോഷനുവേണ്ടി വിദേശത്തേക്ക് പോകേണ്ടിവരുമെന്നുമുള്ള ദിലീപിന്റെ വാദം കോടതി അംഗീകരിച്ചു. നടിയെ ആക്രമിച്ച കേസില് പ്രതിപ്പട്ടികയില് ചേര്ക്കപ്പെട്ടതോടെയാണ് ദിലീപിന്റെ പാസ്പോര്ട്ട് കോടതി പിടിച്ചുവെച്ചത്.
കേസില് കുറ്റവിമുക്തനാക്കപ്പെട്ടതോടെ ജാമ്യവ്യവസ്ഥകള് അവസാനിച്ചുവെന്ന് ദിലീപിന്റെ അഭിഭാഷകര് കോടതിയില് ചൂണ്ടിക്കാട്ടി. കുറ്റവിമുക്തനാക്കപ്പെട്ടതിന് പിന്നാലെ തന്നെ ദിലീപ് പാസ്പോര്ട്ട് വിട്ടുനല്കാന് ആവശ്യപ്പെട്ട് കോടതിയെ സമീപിച്ചിരുന്നു. തുടർന്ന് ഹര്ജി വ്യാഴാഴ്ച പരിഗണിക്കാന് മാറ്റിവെച്ചിരുന്നു.
കേസില് അപ്പീല് പോകുന്നുണ്ടെന്നും അതിനാല് പാസ്പോര്ട്ട് വിട്ടുനല്കരുതെന്നുമായിരുന്നു പ്രോസിക്യൂഷന് വാദം. എന്നാല്, കുറ്റവിമുക്തനാക്കപ്പെട്ടതോടെ ജാമ്യവ്യവസ്ഥകള് നിലനില്ക്കില്ലെന്ന വാദം അംഗീകരിച്ചാണ് പാസ്പോര്ട്ട് വിട്ടുനല്കിയത്. നേരത്തെ, പാസ്പോര്ട്ട് കോടതിയുടെ കസ്റ്റഡിയിലായിരുന്നതില് ഹൈക്കോടതിയില് പ്രത്യേകം ഹര്ജി നല്കിയായിരുന്നു വിദേശയാത്ര നടത്തിയിരുന്നത്.
SUMMARY: Court orders return of actor Dileep’s passport as he has to go abroad for film promotion
