ബെംഗളൂരു: സംസ്ഥാനത്ത് ബിയറിന്റെ വില വർധിപ്പിക്കാൻ നിർദേശവുമായി എക്സൈസ് വകുപ്പ്. കഴിഞ്ഞ ഒന്നര വർഷത്തിനിടെ ഇത് മൂന്നാം തവണയാണ് ബിയർ വില ഉയർത്താൻ എക്സൈസ് ശുപാർശ ചെയ്യുന്നത്. പ്രീമിയം മദ്യത്തിൻ്റെ വില കുറഞ്ഞതിനെ തുടർന്നാണ് ബിയറിൻ്റെ വില വർധിക്കുന്നത്. ജനുവരിയിൽ ബിയറിന് 20 ശതമാനം വരെ വില വർധിപ്പിച്ചിരുന്നു.
ഓഗസ്റ്റ് 23ന് ബിയർ വില വർധന സംബന്ധിച്ച കരട് വിജ്ഞാപനം സർക്കാർ പുറത്തിറക്കിയിരുന്നു. എതിർപ്പുകൾ സമർപ്പിക്കാൻ 15 ദിവസത്തെ സമയം നൽകി. എന്നാൽ എതിർപ്പുകളൊന്നും സമർപ്പിക്കാത്തതിനാൽ ബിയറിൻ്റെ വില ഉടൻ പരിഷ്കരിക്കാൻ സർക്കാർ തീരുമാനിക്കുകയായിരുന്നു. ഇതോടെ ബിയർ വിലയിൽ 10-12 രൂപ വരെയാണ് വർധിപ്പിച്ചത്. 0-5 ശതമാനം ആൽക്കഹോളുള്ള ബിയറിന് 5-6 ശതമാനം വരെയാണ് വില വർധിപ്പിച്ചത്.
TAGS: KARNATAKA | BEER | PRICE HIKE
SUMMARY: Beer prices to go up again in Karnataka, third time in 1.5 years
WhatsApp
Telegram
