സംസ്ഥാന ബജറ്റ് ഇന്ന്

ബെംഗളൂരു: സംസ്ഥാന ബജറ്റ് ധനകാര്യ വകുപ്പ് കൂടി കൈകാര്യം ചെയ്യുന്ന മുഖ്യമന്ത്രി സിദ്ധരാമയ്യ ഇന്ന് നിയമസഭയിൽ അവതരിപ്പിക്കും. സിദ്ധരാമയ്യയുടെ 16-ാമത് ബജറ്റ് അവതരണമാകും ഇന്നത്തേത്. മുഖ്യമന്ത്രിയെന്നനിലയിൽ ഒമ്പതാമത്തെ ബജറ്റും.

4 ലക്ഷം കോടി രൂപയുടെ നിര്‍ദേശങ്ങള്‍ ബജറ്റില്‍ ഉണ്ടാകും. ബിബിഎംപിയെ ഏഴ് കോർപ്പേറഷനുകളായി വിഭജിക്കാനുള്ള ഗ്രേറ്റർ ബെംഗളൂരു ഗവേണൻസ് ബിൽ നിയമസഭയിൽ അവതരിപ്പിക്കാനിരിക്കെ ബജറ്റിൽ ബെംഗളൂരു നഗരവികസനത്തിന് പ്രാധാന്യം ലഭിക്കുന്ന പ്രഖ്യാപനങ്ങൾ ഉണ്ടായേക്കും. മാർച്ച് 3 ന് ആരംഭിച്ച ബജറ്റ് സമ്മേളനത്തിൽ ബിൽ അവതരിപ്പിക്കുന്നത് ഉൾപ്പെടെ നിരവധി സുപ്രധാന ചർച്ചകൾ നടന്നിരുന്നു.

ബെംഗളൂരുവിലെ ഗതാഗത കുരുക്കിന് പരിഹാരമായേക്കാവുന്ന 2 തുരങ്ക പദ്ധതികൾ, മെട്രോ മൂന്നാം ഘട്ടം, സർജാപുര സ്വിഫ്റ്റ് സിറ്റി, സ്കൈഡെക്ക് എന്നിവയുമായി ബന്ധപ്പെട്ടും പ്രഖ്യാപനങ്ങൾ ഉണ്ടായേക്കും തദ്ദേശതിരഞ്ഞെടുപ്പ് അടുത്തിരിക്കുന്നതിനാൽ കല്യാണ കർണാടക മേഖലയ്ക്കും ഉച്ചഭക്ഷണതൊഴിലാളികൾക്കുമുള്ള വിഹിതം ഉയർത്താനും സാധ്യതയുണ്ട്. ദേശീയ സമ്പദ്‌വ്യസ്ഥയിലേക്ക് സംസ്ഥാനത്തിന്റെ ജി.എസ്.ടി. സംഭാവനയും അടുത്തിടെ നടന്ന ഇൻവെസ്റ്റ് കർണാടകയുടെ വിജയവും ബജറ്റിൽ ഊന്നിപ്പറഞ്ഞേക്കും.
<BR>
TAGS : KARNATAKA BUDGET 2025
SUMMARY : State budget today