കാസറഗോഡ്: ഭക്ഷ്യ വിഷബാധയെ തുടർന്ന് 14 കുട്ടികള് ചികിത്സ തേടി. കാസറഗോഡ് പള്ളിക്കര പൂച്ചക്കാടാണ് സംഭവം. നബിദിന ആഘോഷത്തില് പങ്കെടുത്ത കുട്ടികളാണ് ശാരീരിക അവശതകളെ തുടർന്ന് ചികിത്സ തേടിയത്. നബിദിന ആഘോഷങ്ങളുടെ ഭാഗമായി പള്ളിക്കമ്മിറ്റി ഭക്ഷണം ഏർപ്പെടുത്തിയിരുന്നു.
എന്നാലിത് തികയാതെ വന്നപ്പോള് 15 ഷവർമ്മ തൊട്ടടുത്തുള്ള ഹോട്ടലില് നിന്ന് വാങ്ങി. ഇത് കഴിച്ചവർക്കാണ് ഭക്ഷ്യവിഷബാധയുണ്ടായത്. അസ്വസ്ഥതകള് അനുഭവപ്പെട്ട 14 പേരാണ് ആശുപത്രിയില് ചികിത്സ തേടിയത്. ഇവരില് നാലുപേരെ അഡ്മിറ്റാക്കി. പത്തുപേർ നിരീക്ഷണത്തില് കഴിയുകയാണ്. 13 പേരും പെണ്കുട്ടികളാണ്.
ഷവർമ്മയ്ക്കായി ഉപയോഗിച്ചത് പഴയ ഇറച്ചിയാണെന്ന് ഹോട്ടല് നടത്തിപ്പുകാർ സമ്മതിച്ചതായി പള്ളിക്കമ്മിറ്റി അംഗങ്ങള് പറഞ്ഞു. ഇക്കാര്യത്തില് ഔദ്യോഗിക സ്ഥിരീകരണം നടത്താൻ കഴിയില്ലെന്നും സാമ്ബിളുകള് പരിശോധനയ്ക്കായി അയച്ചതായും ഭക്ഷ്യസുരക്ഷാ വകുപ്പ് ഉദ്യോഗസ്ഥർ വ്യക്തമാക്കി.
SUMMARY: Shawarma becomes the villain again; 14 children hospitalized due to food poisoning
WhatsApp
Telegram
