ബെംഗളൂരു: ബെംഗളൂരു സൗത്തിലെ തവരെക്കെരെയിൽ 14 വയസ്സുകാരിയെ വീട്ടിനുള്ളിൽ കൊല്ലപ്പെട്ട നിലയിൽ കണ്ടെത്തി. ലൈംഗികമായി പീഡിപ്പിച്ച ശേഷം മർദിച്ചു കൊലപ്പെടുത്തിയതാകാമെന്നാണ് സംശയം.
ബുധനാഴ്ച ഉച്ചയ്ക്ക് ഒരു മണിയോടെയാണ് സംഭവം. ഈ സമയം കുട്ടി മാത്രമാണ് വീട്ടിലുണ്ടായിരുന്നത്. അതിക്രമിച്ചു കയറിയ അക്രമി കുട്ടിയെ ലൈംഗികമായി പീഡിപ്പിച്ച ശേഷം കൊലപ്പെടുത്തിയതാകാമെന്നാണ് പോലീസിന്റെ പ്രാഥമിക നിഗമനം. ഗ്യാസ് കുറ്റി ഉപയോഗിച്ചു തലയ്ക്കടിക്കുകയായിരുന്നു. തുടർന്ന് ഓടി രക്ഷപ്പെട്ടു.
സംഭവത്തിനു പിന്നാലെ വീട്ടിലെത്തിയ ഇളയ സഹോദരനാണ് പെൺകുട്ടിയെ രക്തത്തിൽ കുളിച്ച നിലയിൽ കണ്ടെത്തിയത്. തുടർന്ന് മാതാപിതാക്കളെ വിവരം അറിയിക്കുകയായിരുന്നു. പെൺകുട്ടി ആറാം ക്ലാസിൽ പഠിത്തം നിർത്തിയിരുന്നു. കൊപ്പാളിൽ നിന്നും കുടിയേറിയ ദിവസവേതന തൊഴിലാളികളാണ് കുട്ടിയുടെ മാതാപിതാക്കൾ. പോക്സോ നിയമപ്രകാരം കേസെടുത്ത പോലീസ് സിസിടിവി ദൃശ്യങ്ങൾ ഉപയോഗിച്ച് പ്രതിയെ കണ്ടെത്താൻ ശ്രമം തുടങ്ങി.
SUMMARY: 14-year-old girl found murdered, rape suspected in Bengaluru
WhatsApp
Telegram
