ബെംഗളൂരു: നമ്മ മെട്രോയുടെ യെല്ലോ ലൈനിനായുള്ള ആറാമത്തെ ട്രെയിൻസെറ്റിലെ ആറ് കോച്ചുകളും ബെംഗളൂരുവിൽ എത്തി. പശ്ചിമ ബംഗാളിലെ ടിറ്റാഗഡ് റെയിൽ സിസ്റ്റംസ് ലിമിറ്റഡ് (ടിആർഎസ്എൽ) നിർമ്മിച്ച ട്രെയിന് രണ്ടാഴ്ചത്തെ റോഡ് യാത്ര പൂർത്തിയാക്കിയാണ് ബെംഗളൂരുവിൽ എത്തിച്ചേര്ന്നത്. ഡിസംബറില് തന്നെ പുതിയ ട്രെയിന് ട്രാക്കില് ഓടിതുടങ്ങുമെന്നാണ് സൂചന.
ആര്വി റോഡ് മുതല് ബൊമ്മസാന്ദ്രവരെയുള്ള 19 കിലോമീറ്റർ ദൈർഘ്യമുള്ള യെല്ലോ പാതയില് നിലവില് 5 ട്രെയിനുകളാണ് സർവീസ് നടത്തുന്നത്. 15 മിനിറ്റ് ഇടവേളകളിലാണ് ഇപ്പോഴുള്ള സർവീസ് നടത്തുന്നുണ്ട്. ആറാമത്തെ ട്രെയിൻ വരുന്നതോടെ കാത്തിരിപ്പ് സമയം 15 മിനിറ്റിൽ നിന്ന് 12 മിനിറ്റായി കുറയും.
ഡിസംബർ അവസാനത്തോടെയും ജനുവരി മാസത്തോടെയും ടിറ്റാഗഡിൽ നിന്ന് ബെംഗളൂരുവിലേക്ക് യെല്ലോ ലൈനിൽ രണ്ട് ട്രെയിനുകൾ കൂടി എത്തുമെന്നാണ് സൂചന. ഇവ കൂടി സര്വീസ് ആരംഭിക്കുന്നതോടെ പർപ്പിൾ, ഗ്രീൻ മെട്രോ ലൈനുകൾ പോലെ, യെല്ലോ ലൈനിൽ ഓരോ 5 മിനിറ്റ് ഇടവേളകളില് ട്രെയിൻ സർവീസ് ലഭ്യമാകും.
SUMMARY: A new train set has arrived on the Yellow Line, reducing travel time
WhatsApp
Telegram
