കൊല്ലം: വിസ്മയ കേസ് പ്രതി കിരണ്കുമാറിനെ മര്ദിച്ച് നാലംഗ സംഘം. കഴിഞ്ഞ ദിവസം കൊല്ലം ശാസ്താംനടയിലെ കിരണിന്റെ വീട്ടില്വെച്ചായിരുന്നു സംഭവം. റോഡിലൂടെ നടന്നു പോവുകയായിരുന്ന നാലു യുവാക്കള് വിസ്മയ കേസിന്റെ കാര്യം പറഞ്ഞ് പ്രകോപനമായി സംസാരിക്കുകയും വീടിനു മുന്നിലുണ്ടായിരുന്ന വീപ്പകളില് അടിക്കുകയും കിരണിനെ വെല്ലുവിളിക്കുകയും ചെയ്തു.
തുടര്ന്നു പുറത്തേക്ക് ചെന്ന കിരണിനെ മര്ദിക്കുകയായിരുന്നു. അടിച്ച് താഴെയിട്ട ശേഷം മൊബൈല് ഫോണ് കവര്ന്നു. മുമ്പും പലപ്പോഴും യുവാക്കളുടെ സംഘങ്ങള് ബൈക്കുകളില് വീടിനു മുന്നിലെത്തി വെല്ലുവിളിച്ച് പോകാറുണ്ടായിരുന്നു. കണ്ടാല് അറിയുന്നവരായ നാലു പേര്ക്കെതിരെയാണ് വിവിധ വകുപ്പുകള് ചുമത്തി കേസെടുത്തതെന്നും അന്വേഷണം നടക്കുകയാണെന്നും വിസ്മയ കേസുമായി സംഭവത്തിനു ബന്ധമില്ലെന്നും പോലീസ് പറഞ്ഞു.
നിലമേല് കൈതോട് സ്വദേശിയും ബിഎഎംഎസ് വിദ്യാര്ഥിയുമായിരുന്ന വിസ്മയ (24) സ്ത്രീധന പീഡനത്തെ തുടര്ന്നു 2021 ജൂണ് 21നു ഭര്തൃവീട്ടില് ജീവനൊടുക്കിയ കേസിലാണ് ഭര്ത്താവായ മുന് അസിസ്റ്റന്റ് മോട്ടര് വെഹിക്കിള് ഇന്സ്പെക്ടര് കിരണ് കുമാറിനെ കോടതി 10 വര്ഷം തടവിനു ശിക്ഷിച്ചത്. സുപ്രീംകോടതിയില് നിന്നും ജാമ്യം നേടിയ ശേഷം സ്വന്തം വീട്ടിലാണ് കിരണ് കഴിയുന്നത്.
SUMMARY: Vismaya case: Kiran, accused in house attack, booked against four people
