ഉഡുപ്പിയില്‍ നിന്നും കാണാതായ എട്ടാം ക്ലാസ് വിദ്യാര്‍ഥിനിയെ പാലക്കാട് കണ്ടെത്തി

ബെംഗളൂരു: ഉഡുപ്പിയില്‍ നിന്നും കാണാതായ എട്ടാം ക്ലാസ് വിദ്യാര്‍ഥിനിയെ പാലക്കാട് കണ്ടെത്തി. കുഞ്ഞിബെട്ടിലുള്ള കോച്ചിംഗ് ഇന്‍സ്റ്റിറ്റ്യൂട്ട് എട്ടാം ക്ലാസ് വിദ്യാര്‍ഥിനിയായ 13 കാരിയെയാണ് പാലക്കാട് കണ്ടെത്തിയത്.

ഞായറാഴ്ച രാവിലെ പിതാവ് മകളെ കോച്ചിംഗ് ഇന്‍സ്റ്റിറ്റ്യൂട്ടില്‍ പരിശീലനത്തിനായി കൊണ്ടുവിട്ടിരുന്നു. ഉച്ചയ്ക്ക് 2.45 ഓടെ പിതാവ് തിരികെ വന്നപ്പോള്‍ മകളെ കാണാനില്ലായിരുന്നുവെന്നും സെഷനില്‍ പങ്കെടുത്തില്ലെന്നും കോച്ചിംഗ് സ്റ്റാഫ് അറിയിച്ചു. തുടര്‍ന്ന് വീട്ടുകാര്‍ ഉഡുപ്പി വനിതാ പോലീസ് സ്റ്റേഷനില്‍ പരാതി നല്‍കി. ട്രെയിനില്‍ ആണ് പെണ്‍കുട്ടി പാലക്കാട്ടേക്ക് എത്തിയതെന്നാണ് വിവരം. കുട്ടിയെ ഉഡുപ്പിയിലേക്ക് തിരികെ കൊണ്ടുവരാനുള്ള ശ്രമത്തിലാണ് പോലീസ്.
<BR>
TAGS : MISSING CASE
SUMMARY : 8th class student missing from Udupi found in Palakkad