ബെംഗളൂരു: സംവിധായകനും കഥാകൃത്തുമായിരുന്ന പത്മരാജന്റെ സ്മരണാർഥം സുവർണ കർണാടക കേരളസമാജം സംഘടിപ്പിക്കുന്ന പത്മരാജൻ സ്മൃതി, സംവാദം നാളെ രാവിലെ 9 മുതല് ഹെന്നൂർ റോഡ് ശ്രീംരാം ഗ്ലോബൽ സ്കൂളിൽ നടക്കും. ജഗത കല്യാണി രചിച്ച ഹൃദയപൂർവ്വം എന്ന പുസ്തകത്തിന്റെ പ്രകാശനം രാവിലെ നടക്കും
ഉച്ചയ്ക്ക് 1.30 ന് നടക്കുന്ന ‘ഡിജിറ്റൽ മാസ്മരികത: ജീവിതം, തൊഴിൽ, സാഹിത്യം — പരിവർത്തനത്തിന്റെ പുതിയ പാഠങ്ങൾ’ എന്ന സംവാദത്തിൽ പ്രഭാഷകൻ സുനിൽ പി. ഇളയിടം മുഖ്യപ്രഭാഷണം നടത്തും. വൈകിട്ട് നാലിന് ലോക കേരള സഭ അംഗമായി തിരഞ്ഞെടുക്കപ്പെട്ട സുവർണ കർണാടക കേരളസമാജം ജനറൽ സെക്രട്ടറി കെ പി ശശിധരനെ ചടങ്ങിൽ ആദരിക്കും.
വൈകിട്ട് ആറിനു നടക്കുന്ന സാംസ്കാരിക പരിപാടിയില് പത്മരാജന്റെ മകൻ അനന്തപത്മനാഭൻ മുഖ്യാതിഥിയാകും. പത്മരാജന്റെ സിനിമകളും സാഹിത്യ സൃഷ്ടികളും അനുസ്മരിക്കുന്ന പ്രഭാഷണങ്ങളും മറ്റു പരിപാടികളും ഉണ്ടാകും.
SUMMARY: Suvarna Karnataka Kerala Samajam Padmarajan Memorial and Debate Tomorrow
