ഡൽഹി: ഹൈക്കമാൻഡിന്റെ തീരുമാനം പൂർണമായും അംഗീകരിക്കുന്നുവെന്ന് സംഘടനാചുമതലയുള്ള എഐസിസി ജനറല് സെക്രട്ടറി കെ സി വേണുഗോപാല്. അടിയുറച്ച കോണ്ഗ്രസ് പ്രവർത്തകനാണ് ഞാൻ. പാര്ട്ടിയാണ്, ജനങ്ങളാണ് വലുതെന്നും കെസി വേണുഗോപാല് പ്രതികരിച്ചു. വിഡി സതീശനും സർക്കാരിനും എല്ലാവിധ പിന്തുണയും ഉണ്ടാകുമെന്നും അദ്ദേഹം വ്യക്തമാക്കി.
ഇതുവരെ നടന്ന ചർച്ചകള് ഇനി അപ്രസക്തമാണ്. നേതൃത്വം എല്ലാവശങ്ങളും ആലോചിച്ചാണ് തീരുമാനമെടുത്തത്. കേരളത്തിലെ കാര്യമായത് കൊണ്ടാണ് പ്രഖ്യാപനത്തില് നിന്ന് മാറി നിന്നതെന്നും അദ്ദേഹം കൂട്ടിച്ചേര്ത്തു. യുഡിഎഫ് സർക്കാരിനും മുഖ്യമന്ത്രിക്കും മുന്നോട്ടുള്ള പ്രവർത്തനങ്ങള്ക്ക് എല്ലാവിധ പിന്തുണയും വാഗ്ദാനം ചെയ്യുന്നു. വി ഡി സതീശനെ ഹൃദയത്തില് നിന്ന് ഞാൻ അഭിനന്ദിക്കുന്നുവെന്നും അദ്ദേഹം പറഞ്ഞു.
എംഎല്എമാരുടെ പിന്തുണ ഉണ്ടായിരുന്നെങ്കിലും ഹൈക്കമാൻഡ് തീരുമാനം എന്തായാലും അത് ശിരസാവഹിക്കുമെന്ന് ഞാൻ നേരത്തേ പറഞ്ഞിരുന്നു. ഞാനെന്നും അടിയുറച്ച കോണ്ഗ്രസുകാരനായിരിക്കും. ത്രിവർണപതാക പുതച്ച് മരിക്കണമെന്നാണ് എന്റെ ഏറ്റവും വലിയ ആഗ്രഹം. പാർട്ടിയാണ് എനിക്കെല്ലാം. ഇതിന്റെ പേരില് സൈബർ ഇടങ്ങളില് ആക്രമണമുണ്ടായാല് ഞാനത് സഹിച്ചോളാം’ – കെ സി വേണുഗോപാല് പറഞ്ഞു.
SUMMARY: ‘Congratulations to VD Satheesan, will provide all necessary support to the government’; KC Venugopal
