ബെംഗളൂരു: ബെംഗളൂരുവിൽ സ്കൂൾ കെട്ടിടത്തിൽ വൻ തീപിടിത്തം. ഇന്ന് രാവിലെയാണ് നാഗദേവനഹള്ളിയിലെ ചിത്രകൂട കൗശല്യ സ്കൂളിൽ തീപിടുത്തമുണ്ടായത്. സ്കൂൾ ഓഡിറ്റോറിയത്തിലെ മുകളിലത്തെ നിലയിലാണ് തീപിടിത്തമുണ്ടായത്. സ്കൂൾ പിടിഎ മീറ്റിംഗ് നടക്കുന്നതിനിടെയാണ് അപകടം സംഭവിച്ചത്. സംഭവ സമയത്ത് സ്കൂളിൽ രക്ഷിതാക്കളടക്കം ഇരുന്നൂറോളം പേർ ഓഡിറ്റോറിയത്തിലുണ്ടായിരുന്നു.
തീ ആളി പടരുന്നത് കണ്ടതോടെ ഓഡിറ്റോറിയത്തിലുണ്ടായിരുന്ന രക്ഷിതാക്കളെയും കുട്ടികളെയും മാനേജ്മെന്റും അധ്യാപകരും കൂടി വളരെ വേഗത്തിൽ പുറത്തേക്കെത്തിച്ചു. അതിനാൽ വൻ അപകടം ഒഴിവായി. ഷോർട്ട് സർക്യൂട്ടാണ് അപകടത്തിന് കാരണമെന്നാണ് പ്രാഥമിക നിഗമനം. മൂന്ന് ഫയർ എൻജിനുകളെത്തി തീയണച്ചു.
SUMMARY: Fire breaks out in school building in Bengaluru; Fire engines arrive to douse the fire
