പാലക്കാട്: പാലക്കാട് സുഹൃത്തിന്റെ സഹോദരൻ നടത്തിയ ആസിഡ് ആക്രമണത്തില് യുവാവിന് ഗുരുതര പരിക്ക്. പാലക്കാട് മാത്തൂരിലാണ് സംഭവം. സതീഷ് കുമാർ എന്ന ആള്ക്കാണ് ആസിഡ് ആക്രമണത്തില് ഗുരുതരമായി പരുക്കേറ്റത്. സതീഷിന്റെ സുഹൃത്തിന്റെ സഹോദരനാണ് ഇയാള്ക്ക് നേരെ ആക്രമണം നടത്തിയത്.
രോഗിയായ സുഹൃത്തിനെ കാണാനായി അദ്ദേഹത്തിന്റെ വീട്ടില് എത്തിയപ്പോഴാണ് സതീഷിന് നേരെ ആക്രമണമുണ്ടായത്. സംഭവത്തില് രമേഷിനെ ഇന്നലെ കോയമ്പത്തൂരില് നിന്ന് പിടികൂടി. ആസിഡ് ആക്രമണത്തിനിരയായ സതീഷ് കുമാറും പ്രതി രമേഷിന്റെ സഹോദരനും അടുത്ത സുഹൃത്തുക്കളാണ്. രമേഷിന്റെ സഹോദരൻ വീട്ടില് അസുഖ ബാധിതനായി കിടക്കുകയാണ്. ഇയാളെ കാണാനായി സതീഷ് പ്രതിയുടെ വീട്ടിലെത്തി. രോഗിയെ കണ്ട് സുഖവിവരങ്ങള് തിരക്കിയ ശേഷം തിരിച്ചുപോകാനൊരുങ്ങവെയാണ് ആസിഡ് ആക്രമണമുണ്ടായത്.
യാതൊരു പ്രകോപനവും കൂടാതെയാണ് രമേഷ് സതീഷിന്റെ ശരീരത്തിലേക്ക് ആസിഡ് ഒഴിച്ചത്. കഴുത്തിലും ശരീരത്തിന്റെ പുറകിലും ഗുരുതരമായി പൊള്ളലേറ്റു. ബഹളം കേടുവന്ന അയല്വാസികളും നാട്ടുകാരും ചേർന്നാണ് സതീഷിനെ ആശുപത്രിയില് എത്തിച്ചത്.
SUMMARY: Acid attack on young man; neighbor arrested
