തിരുവനന്തപുരം: വര്ക്കല ക്ലിഫില് തമിഴ്നാട് സ്വദേശിയായ വിനോദ സഞ്ചാരിക്ക് കുത്തേറ്റു. തഞ്ചാവൂര് താമരക്കോട് സ്വദേശി സുദര്ശ (19)നാണ് ഇന്നലെ രാത്രി 10.40ഓടെ കുത്തേറ്റത്. പരുക്കേറ്റ സുദര്ശനെ ആശുപത്രിയില് പ്രവേശിപ്പിച്ചു. തമിഴ്നാട്ടില് നിന്ന് 14 അംഗ സംഘത്തോടൊപ്പം എത്തിയതാണ് യുവാവ്.
സ്പീക്കറില് പാട്ട് വെച്ചത് ഉയര്ന്ന ശബ്ദത്തിലാണെന്ന് ചൂണ്ടിക്കാട്ടി സുദര്ശനുമായി വര്ക്കല സ്വദേശികള് തര്ക്കത്തിലായിരുന്നു. പിന്നാലെയാണ് കുത്തിയത്. സംഭവ ശേഷം ഓടി രക്ഷപ്പെടാന് ശ്രമിച്ച പ്രതികളായ മുഹമ്മദലി, അനന്തന്, ജെറിന് എന്നിവരെ പോലീസ് പിന്തുടര്ന്ന് പിടി കൂടി. പ്രതികള് ലഹരി ഉപയോഗിച്ചിട്ടുണ്ടോ എന്നതിലുള്പ്പെടെ അന്വേഷണം നടക്കും.
SUMMARY: Tourist stabbed in Varkala
