ബെംഗളൂരു: സംസ്ഥാനത്തെ സ്കൂൾ കുട്ടികളുടെ മാനസികാരോഗ്യം മെച്ചപ്പെടുത്തുന്നതിനായി കർണാടക സർക്കാർ പുതിയ സംവിധാനം ഒരുക്കുന്നു. സെപ്റ്റംബർ മുതൽ ഓരോ ബ്ലോക്ക് റിസോഴ്സ് കേന്ദ്രത്തിലും മാനസികാരോഗ്യ കൗൺസിലർമാരെ നിയമിക്കാനാണ് തീരുമാനം.
ഈ കൗൺസിലർമാർ ഓരോ മാസവും സ്കൂളുകൾ സന്ദർശിച്ച് വിദ്യാർഥികളുമായി ആശയവിനിമയം നടത്തും. പഠന സമ്മർദം, പരീക്ഷാഭയം, ഉത്കണ്ഠ, കുടുംബപ്രശ്നങ്ങൾ, സാമൂഹികവും വൈകാരികവുമായ ബുദ്ധിമുട്ടുകൾ തുടങ്ങിയ വിഷയങ്ങളിൽ കുട്ടികൾക്ക് ആവശ്യമായ പിന്തുണ നൽകും.
വിദ്യാർഥികളുടെ മാനസികാവസ്ഥ നേരത്തെ തിരിച്ചറിയുന്നതിനൊപ്പം അധ്യാപകർക്കും ആവശ്യമായ പരിശീലനം നൽകും. ഗുരുതരമായ മാനസികാരോഗ്യ പ്രശ്നങ്ങൾ ശ്രദ്ധയിൽപ്പെട്ടാൽ വിദഗ്ധ ചികിത്സ ലഭിക്കുന്നതിനുള്ള തുടർനടപടികൾക്കും സംവിധാനം ഒരുക്കും. മാനസികാരോഗ്യ പ്രശ്നങ്ങൾ ഗുരുതരമാകുന്നതിന് മുമ്പ് കുട്ടികൾക്ക് സ്കൂൾതലത്തിൽ തന്നെ സഹായം ലഭ്യമാക്കുക എന്നതാണ് പദ്ധതിയുടെ പ്രധാന ലക്ഷ്യം.
SUMMARY: Mental health of school children; Counselors appointed
