തിരുവനന്തപുരം: സമഗ്ര സുരക്ഷാ പരിശോധന സമിതി സെപ്റ്റംബർ ഒന്നിന് മുല്ലപ്പെരിയാർ അണക്കെട്ടില് സന്ദർശനം നടത്തി പരിശോധന നടത്തും. സുപ്രീം കോടതി നിർദ്ദേശിച്ചതനുസരിച്ചുള്ള സമ്പൂർണ്ണ സുരക്ഷാ പരിശോധന കൃത്യമായി നടത്തണമെന്നാണ് കേരളത്തിന്റെ പ്രധാന ആവശ്യം. പരിശോധന നടത്തുന്നതിന് തടസ്സങ്ങള് ഉണ്ടായാല് സുപ്രീം കോടതിയെ സമീപിക്കാനാണ് കേരളത്തിന്റെ തീരുമാനം.
സുപ്രീം കോടതിയിലെ കേസ് നടത്തിപ്പിനായി പുതിയ അഭിഭാഷക സംഘത്തെയും സംസ്ഥാന സർക്കാർ നിയോഗിച്ചിട്ടുണ്ട്. പരിശോധന പൂർത്തിയായ ശേഷം വിഷയം ചർച്ച ചെയ്യുന്നതിനായി ഉന്നതതല യോഗം വിളിക്കുമെന്നും അധികൃതർ അറിയിച്ചു. മുല്ലപ്പെരിയാർ അണക്കെട്ടിന്റെ ഘടനാപരമായ സുരക്ഷയില് കേരളത്തിന് വലിയ ആശങ്കയുണ്ടെന്ന് മന്ത്രി മോൻസ് ജോസഫ് വ്യക്തമാക്കി. പുതിയ ഡാം നിർമ്മിക്കുക എന്നതാണ് കേരളത്തിന്റെ നിലപാട് എന്നും മന്ത്രി പറഞ്ഞു.
SUMMARY: Mullaperiyar: Comprehensive Safety Inspection Committee to visit the dam on September 1
