ജീവനപഹരിച്ച അശ്രദ്ധ: സിഗ്നലിൽ കാത്തുനിന്ന യുവാക്കളുടെ ദാരുണ മരണത്തിൽ കെഎസ്ആർടിസി ഡ്രൈവർക്ക് മൂന്ന് വർഷം തടവ്

2018 ഓഗസ്റ്റ് 10-നായിരുന്നു സംഭവം. ആലുവ തോട്ടയ്ക്കാട്ടുകര കവലയിൽ സിഗ്നൽ കാത്തുനിൽക്കുകയായിരുന്ന സ്കൂട്ടറുകളിലേക്ക് അമിതവേഗതയിൽ വന്ന കെഎസ്ആർടിസി ബസ് പാഞ്ഞുകയറുകയായിരുന്നു. അപകടത്തിൽ ചെറായി സ്വദേശികളായ അർജുൻ കെ. ഷാജി, അഭിഷേക് എന്നിവർ സംഭവസ്ഥലത്തുതന്നെ മരിച്ചു.

ആലുവ ട്രാഫിക് യൂണിറ്റ് സബ് ഇൻസ്‌പെക്ടർ കെ.ടി. മുഹമ്മദ് കബീർ എഫ്ഐആർ റജിസ്റ്റർ ചെയ്ത കേസിൽ ആലുവ ഈസ്റ്റ് പൊലീസ് എസ്എച്ച്ഒ ആയിരുന്ന വിശാൽ ജോൺസനാണ് അന്വേഷണം പൂർത്തിയാക്കി കോടതിയിൽ കുറ്റപത്രം സമർപ്പിച്ചത്. കേസിൽ പ്രോസിക്യൂഷന് വേണ്ടി അഡീഷനൽ പബ്ലിക് പ്രോസിക്യൂട്ടർ അഡ്വ. ദീപ മനോജ് ഹാജരായി.
SUMMARY: Negligence Leading to Loss of Life: KSRTC Driver Sentenced to Three Years in Prison for Tragic Deaths of Youths Waiting at Signal