ബെംഗളൂരു: ദസറ അവധിയോടനുബന്ധിച്ചുള്ള യാത്രക്കാരുടെ തിരക്ക് പരിഗണിച്ച് ബെംഗളൂരു കന്റോൺമെന്റിനും തിരുവനന്തപുരം നോർത്തിനുമിടയിൽ സ്പെഷ്യൽ ട്രെയിൻ പ്രഖ്യാപിച്ച്‌ ദക്ഷിണ പശ്ചിമ റെയിൽവേ. ഓരോ ദിശയിലേക്കും ഓരോ സർവീസുകളാണ് നടത്തുക.
ട്രെയിൻ നമ്പർ 06575 -ബെംഗളൂരു കന്റോൺമെന്റ് – തിരുവനന്തപുരം നോർത്ത് എക്സ്പ്രസ് സ്പെഷ്യൽ: ഒക്ടോബർ 16 ന് വെള്ളിയാഴ്ച ഉച്ചകഴിഞ്ഞ് 16:40 മണിക്ക് ബെംഗളൂരു കന്റോൺമെന്റിൽ നിന്ന് പുറപ്പെട്ട് അടുത്ത ദിവസം (ശനി) രാവിലെ 10:30 മണിക്ക് തിരുവനന്തപുരം നോർത്തിൽ എത്തിച്ചേരും.
ട്രെയിൻ നമ്പർ 06576-തിരുവനന്തപുരം നോർത്ത് – ബെംഗളൂരു കന്റോൺമെന്റ് എക്സ്പ്രസ് സ്പെഷ്യൽ: ഒക്ടോബർ 17 ന് ശനിയാഴ്ച ഉച്ചയ്ക്ക് 12:40 മണിക്ക് തിരുവനന്തപുരം നോർത്തിൽ നിന്ന് പുറപ്പെട്ട് ഞായറാഴ്ച പുലർച്ചെ 06:00 മണിക്ക് ബെംഗളൂരു കന്റോൺമെന്റിൽ എത്തിച്ചേരും.
സ്റ്റോപ്പുകൾ: വൈറ്റ്ഫീൽഡ്, ബംഗാർപേട്ട്, കുപ്പം, സേലം, ഈറോഡ്, തിരുപ്പൂർ, പൊന്നൂർ, പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചങ്ങനാശേരി, തിരുവല്ല, ചെങ്ങന്നൂർ, മാവേലിക്കര, കായംകുളം, കരുനാഗപ്പള്ളി, ശാസ്താംകോട്ട, കൊല്ലം, വർക്കല ശിവഗിരി
എസി 3-ടയർ കോച്ചുകൾ- 4, സ്ലീപ്പർ ക്ലാസ് കോച്ചുകൾ-6, ജനറൽ സെക്കൻഡ് ക്ലാസ് കോച്ചുകൾ-8, ( ലഗേജ് കം ബ്രേക്ക് വാൻ ജനറേറ്റർ കാറുകൾ ഉൾപ്പെടെ) ട്രെയിനിൽ ആകെ 20 കോച്ചുകൾ ഉണ്ടായിരിക്കും.
SUMMARY: Dasara Holidays: Special train from Bengaluru to Thiruvananthapuram
