ബെംഗളൂരു: മൈസൂരു പെരിയപട്ടണയ്ക്ക് സമീപം ബസും ലോറിയും കുട്ടിയിടിച്ച് മലയാളികൾ അടക്കം 4 പേർ മരിച്ചു. ബെംഗളൂരുവിൽ നിന്നും കോഴിക്കോട്ടേക്ക് പോകുകയായിരുന്ന കാവേരി ട്രാവൽസിന്റെ സ്ലീപ്പർ ബസാണ് അപകടത്തിൽപ്പെട്ടത്. പുലര്‍ച്ചെ 3.45 ഓടെയാണ് അപകടം. മരിച്ചവരിൽ ഡ്രൈവറും ക്ലീനറും ഉൾപ്പെടുന്നു. കോഴിക്കോട് ബേപ്പൂർ സ്വദേശി അഫ്താബ് (28), വയനാട് സ്വദേശി, ബസ് ജീവനക്കാരനായ മലയാളി സജേഷ്, ഡ്രൈവർ മൈസൂരു സ്വദേശിയ സുനിൽ എന്നിവരാണ് മരിച്ച മറ്റു രണ്ടുപേർ.
ഇന്നലെ രാത്രി മുതൽ പ്രദേശത്ത് കനത്ത മഴയായിരുന്നു. ഇതേ തുടർന്ന് റോഡിൽ മരം കടപുഴകിയിരുന്നു. ഇതേ തുടർന്ന് അതുവന്ന ലോറി വലതുവശത്തേക്ക് വെട്ടിച്ചു മാറ്റിയപ്പോഴാണ് എതിർദിശയിൽ വന്ന ബസ്സിലേക്ക് ഇടിച്ചുകയറിയതെന്നാണ് വിവരം. നിരവധി യാത്രക്കാർക്ക് പരുക്കേറ്റിട്ടുണ്ട്. പരുക്കേറ്റവരെ പെരിയപട്ടണം ആശുപത്രിയിലും മൈസൂരുവിലെ ആശുപത്രിയിലും പ്രവേശിപ്പിച്ചിട്ടുണ്ട്. അവധിക്കാലമായതിനാൽ ബസിൽ മുഴുവൻ സീറ്റുകളിലും യാത്രക്കാരുണ്ടായിരുന്നുവെന്നാണ് വിവരം.
അപകടത്തെ തുടർന്ന് റോഡിലെ ഗതാഗതം ഏറെ നേരം തടസ്സപ്പെട്ടു. പിന്നീട് പോലീസ്, അഗ്നിരക്ഷാ സേന എന്നിവർ സ്ഥലത്തെത്തി ജെസിബി, ക്രെയിൻ എന്നിവ ഉപയോഗിച്ച് അപകടത്തിൽപ്പെട്ട വാഹനങ്ങൾ നീക്കിയ ശേഷം ഗതാഗതം പുനസ്ഥാപിച്ചു. മൈസൂരു ജില്ലാ പോലീസ് സൂപ്രണ്ട് മല്ലികാർജുൻ ബൽദാൻഡി സംഭവ സ്ഥലം സന്ദർശിച്ചു. മരിച്ചവരുടെ മൃതദേഹങ്ങൾ പെരിയ പട്ടണ സർക്കാർ ആശുപത്രി മോർച്ചറിയിലേക്ക് മാറ്റിയിട്ടുണ്ട്.
Updating…….
SUMMARY:Four people, including Malayalis, died after a bus and a lorry collided near Mysuru.
