മസ്കത്ത്: ഒമാനിലെ മുസന്ദം ഗവർണറേറ്റില്‍ റാസ് അല്‍ ശൈഖ് മസ്‌ഊദിന് സമീപം ചരക്ക് കപ്പല്‍ മുങ്ങിയതിനെ തുടർന്ന് കടലില്‍ അതീവ ജാഗ്രതാ നിർദേശം പുറപ്പെടുവിച്ചു. ഒക്ടോബർ 14നാണ് ‘ജി.എഫ്.എസ് പ്രൈഡ്’ എന്ന കപ്പല്‍ മുങ്ങിയത്. അപകടത്തെ തുടർന്ന് കപ്പലില്‍ നിന്നു കടലില്‍ വീണ കണ്ടെയ്നറുകള്‍ പരിസര പ്രദേശങ്ങളില്‍ ഒഴുകിനടക്കുകയാണ്.
ഈ കണ്ടെയ്നറുകളില്‍ അപകടകരമായ വസ്തുക്കള്‍ അടങ്ങിയിരിക്കാൻ സാധ്യതയുണ്ടെന്നും, അതിനാല്‍ ഈ വഴി പോകുന്ന മത്സ്യത്തൊഴിലാളികളും കടല്‍യാത്രക്കാരും ഏറെ ജാഗ്രത പാലിക്കണമെന്നും ഒമാൻ ഗതാഗത, വാർത്താവിനിമയ, വിവരസാങ്കേതിക മന്ത്രാലയം മുന്നറിയിപ്പ് നല്‍കി.
SUMMARY: Cargo ship sinks off Musandam; high alert issued at sea
