ചെന്നൈ: തമിഴ്നാട്ടില്‍ സർക്കാർ ജോലിയില്‍ പ്രവേശിക്കുന്നതിനുള്ള പ്രായപരിധി ഉയർത്തി മുഖ്യമന്ത്രി ജോസഫ് സി. വിജയ്. ഇനി മുതല്‍ ഗ്രൂപ്പ് വണ്‍ സർവീസുകള്‍ക്കായി ജനറല്‍ വിഭാഗത്തില്‍ നിന്നുള്ളവർക്ക് 37 വയസും സംവരണ വിഭാഗത്തില്‍ നിന്നുള്ളവർക്ക് 42 വയസുമാണ് പ്രായപരിധി. ജനറല്‍ വിഭാഗത്തില്‍ നിന്നുള്ള ഭിന്നശേഷിക്കാർക്ക് 47 വയസു വരെയും സംവരണ വിഭാഗത്തില്‍ നിന്നുള്ള ഭിന്നശേഷിക്കാർക്ക് 52 വയസു വരെയും ജോലിയില്‍ പ്രവേശിക്കാം.
ഗ്രൂപ്പ് 2, ഗ്രൂപ്പ് 2എ സർവീസുകള്‍ക്ക് നിലവില്‍ സംവരണ വിഭാഗത്തില്‍ നിന്നുള്ളവർക്ക് പ്രായപരിധിയില്ല. ജനറല്‍ വിഭാഗത്തില്‍ നിന്നുള്ളവർക്ക് 35 വയസു വരെയും ജനറല്‍ വിഭാഗത്തില്‍ നിന്നുള്ള ഭിന്നശേഷിക്കാർക്ക് 45 വരെയുമാണ് പ്രായപരിധി. അധികാരത്തിലേറിയതിനു ശേഷം ക്ഷേമപ്രവർത്തനങ്ങള്‍ നടപ്പാക്കുന്നതിന്‍റെ ഭാഗമായാണ് പുതിയ ഉത്തരവും. സൗജന്യ വൈദ്യുതി, സ്ത്രീകള്‍ക്കായി സേഫ്റ്റിഫോഴ്സ്, സ്കൂളുകളില്‍ പ്രഭാത ഭക്ഷണ പരിപാടി എന്നിവയും പുതിയ സർക്കാർ നടപ്പിലാക്കിയിരുന്നു.
SUMMARY: Upper age limit for government job applications raised; Vijai government announces a 5-year relaxation
