ബെംഗളൂരു: നവജാതശിശുവിനെ മാലിന്യക്കൂമ്പാരത്തിൽ നിന്നും കണ്ടെത്തി. ബനശങ്കരി ഗുരുരാജ ലേഔട്ടിലെ മാലിന്യക്കൂമ്പാരത്തിൽ ചൊവ്വാഴ്ച രാവിലെ പൗരകർമ്മികരാണ് കുഞ്ഞിനെ കണ്ടെത്തിയത്. തുടർന്ന് പോലീസ് എത്തി കുട്ടിയെ വാണി വിലാസ് ആശുപത്രിയിൽ പ്രവേശിപ്പിച്ചു.
ജനിച്ച് 24 മണിക്കൂർ തികയും മുമ്പാണ് ആരോ കുഞ്ഞിനെ ഉപേക്ഷിച്ചതെന്ന് പോലീസ് പറഞ്ഞു. കുഞ്ഞിന്റെ പൊക്കിൾക്കൊടിയുടെ ഭാഗം വേർപെടുത്തിയിട്ടില്ല. നിലവിൽ കുട്ടി ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലാണ്. കുട്ടിയെ ഏറ്റെടുക്കാൻ ശിശുസംരക്ഷണ സമിതിയോട് ആവശ്യപ്പെട്ടിട്ടുണ്ട്. സംഭവത്തിൽ കേസെടുത്തിട്ടുണ്ടെന്നും, പ്രദേശത്തെ സിസിടിവി ദൃശ്യങ്ങൾ പരിശോധിച്ച് വരികയാണെന്നും അച്ചുകാട്ട് പോലീസ് പറഞ്ഞു.
TAGS: BENGALURU | NEWBORN BABY
SUMMARY: Newborn baby found inside garbage bin in Banshankari
