ബെംഗളൂരു: ഡെക്കാണ് കള്ച്ചറല് സൊസൈറ്റി സംഘടിപ്പിക്കുന്ന ‘ഓണോല്സവം 2024’ ഒക്ടോബര് 19, 20 തിയതികളില് നടക്കും. 19ന് വൈകീട്ട് 4 മണിക്ക് മൈസൂര് റോഡ് ബ്യാറ്റരായണപുരയിലെ സൊസൈറ്റി സില്വര് ജൂബിലി ഹാളില് നടക്കുന്ന സാഹിത്യ സായാഹ്നത്തില് നോവലിസ്റ്റും കഥാകൃത്തുമായ അംബികാസുതന് മാങ്ങാട് സാഹിത്യം – അനുഭവം ആഖ്യാനം എന്ന വിഷയത്തില് മുഖ്യപ്രഭാഷണം നടത്തും. ബെംഗളൂരുവിലെ എഴുത്തുകാരും സാംസ്കാരിക പ്രവര്ത്തകരും ചര്ച്ചയില് പങ്കെടുക്കും.
20നു വൈകീട്ട് 4 മണിക്ക് വിജയ നഗര് ആര്. പി. സി ലേ ഔട്ടിലെ സിറ്റി സെന്ട്രല് ലൈബ്രറി ഹാളില് വെച്ച് നടക്കുന്ന ഓണോല്സവ സമാപന സമ്മേളനത്തില് അംബികാസുതന് മാങ്ങാട് മുഖ്യാതിഥിയാകും. കലാ കായിക മല്സരങ്ങളില് വിജയികളായവര്ക്കുള്ള സമ്മാനദാനം, എസ്. എസ്. എല്. സി, പി.യു.സി പരീക്ഷകളില് ഉന്നതവിജയം നേടിയവര്ക്കുള്ള ക്യാഷ് അവാര്ഡ് വിതരണം, സമാജം അംഗങ്ങള് അവതരിപ്പിക്കുന്ന കലാവിരുന്ന് എന്നിവയും അരങ്ങേറും.
<BR>
TAGS : ONAM-2024
