ബെംഗളൂരു: നിർത്തിയിട്ടിരുന്ന ട്രക്കിൽ കർണാടക ആർടിസി ബസിടിച്ചുണ്ടായ അപകടത്തിൽ നിരവധി പേർക്ക് പരുക്ക്. മാഗഡി താലൂക്കിലെ സോളൂരിന് സമീപം മംഗളൂരു-ബെംഗളൂരു ഹൈവേയിൽ നിർത്തിയിട്ടിരുന്ന ട്രക്കിൽ ബസ് ഇടിച്ചുകയറുകയായിരുന്നു. ഹാസനിൽ നിന്ന് ബെംഗളൂരുവിലേക്ക് പോകുകയായിരുന്ന ബസ് ആണ് അപകടത്തിൽ പെട്ടത്. ട്രക്കിന്റെ ടയർ പൊട്ടിയതിനാലാണ് റോഡരികിൽ നിർത്തിയിട്ടിരുന്നത്.
ഇടിയുടെ ആഘാതത്തിൽ കെഎസ്ആർടിസി ബസിന്റെ മുൻഭാഗം പൂർണ്ണമായും തകർന്നു. അപകടത്തിൽ ബസിലുണ്ടായിരുന്ന 20ലധികം യാത്രക്കാർക്ക് പരുക്കേറ്റു. ബസിനുള്ളിൽ കുടുങ്ങിയ ഡ്രൈവറെ നാട്ടുകാരും പോലീസും ചേർന്നാണ് പുറത്തെത്തിച്ചത്. പരുക്കേറ്റവരെ സമീപത്തെ ആശുപത്രികളിൽ പ്രവേശിപ്പിച്ചു. സംഭവത്തിൽ സോളൂർ പോലീസ് കേസ് രജിസ്റ്റർ ചെയ്തു.
TAGS: KARNATAKA | ACCIDENT
SUMMARY: Over 20 injured as KSRTC bus rams into parked truck, driver critical
