ബെംഗളൂരു: ശ്രീനാരായണസമിതി സർജാപുര ശ്രീഗുരുദേവ-ശ്രീഅയ്യപ്പ ദേവസ്ഥാനം പ്രതിഷ്ഠാദിന മഹോത്സവം വെള്ളിയാഴ്ച നടക്കും. ഇന്ന് രാവിലെ ഗണപതിഹോമം, തുടര്ന്ന് കുംഭേശ കർക്കരി കലശപൂജകൾ, ശയ്യാപൂജ, നിദ്രാകലശ പൂജകൾ, അനുജ്ഞാ പൂജ, അനുജ്ഞാ പ്രാർഥന, ജീവോദ്വാസന, ബിംബശുദ്ധി, കലശാഭിഷേകം, ബിംബങ്ങളും കലശങ്ങളും ശയ്യയിലേക്ക് എഴുന്നള്ളിക്കൽ, വൈകിട്ടോടെ ധ്യാനാധിവാസം, പ്രാസാദ ശുദ്ധി, അധിവാസ ഹോമം, പീഠാധിവാസം, അധിവാസ പൂജ എന്നിവ നടന്നു.
പൂജകൾക്ക് തന്ത്രി കുടുക്കശ്ശേരി ഇല്ലം നാരായണൻനമ്പൂതിരി മുഖ്യകാർമികത്വം വഹിച്ചു. മാമ്പള്ളിമഠം മഹേഷ്നമ്പൂതിരി, മുളയ്ക്കൽ മഠം അജയ്നമ്പൂതിരി, വല്ലശ്ശേരി മഠം കൃഷ്ണദാസൻപോറ്റി, അഞ്ചുമൂർത്തി മഠം മോഹനകൃഷ്ണൻപോറ്റി എന്നിവർ സഹകാർമികരായി. എല്ലാ ഭക്തരും നാളെ നടക്കുന്ന പ്രതിഷ്ടാ മഹോത്സവത്തിൽ പങ്കെടുക്കണമെന്ന് സമിതി ജനറൽ സെക്രട്ടറി എം.കെ. രാജേന്ദ്രൻ അറിയിച്ചു. കൂടുതൽ വിവരങ്ങൾക്ക് – 9916480089, 9448162624, 9731585889, 9980812162.
SUMMARY: Sri Gurudeva-Sri Ayyappa Devasthanam installation day festival tomorrow
