ബെംഗളൂരു: ഓൺലൈൻ വാതുവെയ്പും ചൂതാട്ടവും നിരോധിക്കാൻ നിയമഭേദഗതിക്കൊരുങ്ങി കർണാടക സർക്കാർ. പ്രധാനമായും ഭാഗ്യം ഫലം നിർണയിക്കുന്ന പണം ഉപയോഗിച്ചുള്ള ഓൺലൈൻ മത്സരങ്ങൾക്കു എതിരെയാണ് നടപടി. ആപ്പുകളിലും സൈറ്റുകളിലുമുള്ള മത്സരങ്ങൾക്ക് ഇതു ബാധകമാണ്. ഇതിനായി കർണാടക പൊലീസ് ആക്ട് 1963ൽ ഭേദഗതി ചെയ്യാനാണ് ഉദ്ദേശിക്കുന്നത്. നിയമസഭയുടെ വരാനിരിക്കുന്ന സമ്മേളനത്തിൽ ഇതു സംബന്ധിച്ച ബിൽ അവതരിപ്പിക്കും. ഇതു പ്രകാരം നിയമവിരുദ്ധമായ ഓൺലൈൻ വാതുവയ്പുകളും ചൂതാട്ടവും നടത്തുന്ന സ്ഥാപനങ്ങൾക്കും വ്യക്തികൾക്കും ഒരു ലക്ഷം രൂപ പിഴയും 3 വർഷം വരെ തടവും ശിക്ഷ ലഭിക്കും.
സംസ്ഥാനത്ത് ഓൺലൈൻ വാതുവയ്പിലും ചൂതാട്ടത്തിലും പണം നഷ്ടപ്പെട്ടവർ ജീവനൊടുക്കുന്ന സംഭവങ്ങൾ വ്യാപകമായ സാഹചര്യത്തിലാണ് നടപടി.
SUMMARY: Karnataka aims to ban online betting
