സനാ: യെമൻ പൗരനെ കൊലപ്പെടുത്തിയ കേസില് യെമൻ ജയിലില് കഴിയുന്ന മലയാളി നിമിഷ പ്രിയയുടെ വധശിക്ഷ ജൂലൈ 16 ബുധനാഴ്ച നടപ്പിലാക്കും. യെമനിലെ പബ്ലിക് പ്രോസിക്യൂട്ടറാണ് ഉത്തരവിട്ടത്. ഉത്തരവ് ജയില് അധികൃതര്ക്ക് കൈമാറി.
അതേസമയം കൊല്ലപ്പെട്ട തലാലിന്റെ കുടുംബം ദയാധനമായി ആവശ്യപ്പെട്ടത് 8.57 കോടി രൂപയാണ്. 2017 മുതല് സനായിലെ ജയിലിലാണ് നിമിഷപ്രിയ. അതിനിടെ മോചനശ്രമങ്ങള് പലപ്പോഴായി നടന്നെങ്കിലും ഫലപ്രാപ്തിയില് എത്തിയില്ല. യെമൻ പൗരനെ കൊലപ്പെടുത്തിയ കേസിലാണ് നിമിഷപ്രിയ തടവില് കഴിയുന്നത്.
ഇന്ത്യൻ എംബസി ഈ വിവരം സ്ഥിരീകരിച്ചതായി യെമനിലെ മധ്യസ്ഥ ചർച്ചകളില് ഏർപ്പെട്ടിരിക്കുന്ന സാമുവല് ജോണ് അറിയിച്ചു. നിമിഷപ്രിയയുടെ വധശിക്ഷ റദ്ദാക്കാനുള്ള ശ്രമങ്ങള് സജീവമായി നടക്കുന്നതിനിടെയാണ് ഈ ഉത്തരവ് ജയിലില് ലഭിച്ചത്.
SUMMARY: Nimisha Priya’s death sentence will be carried out on the 16th of this month: Order handed over to prison authorities
WhatsApp
Telegram
