ന്യൂഡൽഹി: തേനീച്ച കൂട്ടമായെത്തിയതോടെ വിമാനം വൈകിയത് ഒരു മണിക്കൂർ. സൂറത്ത് – ജയ്പൂർ ഇൻഡിഗോ വിമാനമാണ് ഒരു മണിക്കൂർ വൈകിയത്. തിങ്കളാഴ്ച വൈകിട്ട 4.20 ന് യാത്ര തുടങ്ങേണ്ടിയിരുന്ന എ320 വിമാനമാണ് തേനീച്ചകള് കാരണം വൈകിയത്. യാത്രക്കാരെല്ലാം വിമാനത്തില് കയറിയിരുന്നു. ലഗേജ് എല്ലാം കയറ്റിയതിനു ശേഷം ഡോർ അടക്കാൻ ശ്രമിച്ചപ്പോഴാണ് തേനീച്ചകള് ഡോറില് കൂടു കൂട്ടിയത് കണ്ടത്.
വെറും മിനിറ്റുകള് കൊണ്ടാണ് തേനീച്ചകള് കൂട്ടത്തോടെ ഡോറില് ഇടം പിടിച്ചത്. എയർപോർട്ട് ജീവനക്കാർ പുകയടിപ്പിച്ച് തേനീച്ചകളെ പായിക്കാൻ ശ്രമിച്ചെങ്കിലും ഫലം കണ്ടില്ല. ഒടുവില് അഗ്നിശമന സേനയെത്തിയാണ് തേനീച്ചകളെ പറത്തിയത്. ഡോറിലേക്ക് ശക്തിയില് വെള്ളം ചീറ്റിച്ചതോടെ തേനീച്ചകള് പറന്നു പോയി. തേനീച്ചകളെ എല്ലാം തുരത്തിയതിനു ശേഷം ഒരു മണിക്കൂർ വൈകി 5.20നാണ് വിമാനം യാത്ര തിരിച്ചത്.
SUMMARY: Bee attack; IndiGo flight delayed by an hour
WhatsApp
Telegram
