ബെംഗളൂരു: കർണാടകയിലെ കോൺഗ്രസ് എംഎൽഎ എസ്എൻ സുബ്ബ റെഡ്ഡിയുടെയും മറ്റ് ചിലരുടെയും വസതികളിൽ എൻഫോഴ്സ്മെന്റ് ഡയറക്ടറേറ്റ് (ഇഡി) റെയ്ഡ്. റെഡ്ഡിയും കുടുംബവും മലേഷ്യ, ഹോങ്കോംഗ്, ജർമ്മനി തുടങ്ങിയ രാജ്യങ്ങളിൽ വെളിപ്പെടുത്താത്ത വിദേശ സ്വത്തുക്കൾ കൈവശം വെച്ചുവെന്ന ആരോപണവുമായി ബന്ധപ്പെട്ട് വിദേശനാണ്യ വിനിമയ മാനേജ്മെന്റ് നിയമത്തിന്റെ (FEMA) സെക്ഷൻ 37 പ്രകാരമാണ് ഇഡി റെയ്ഡ് നടത്തിയത്
ബാഗേപള്ളി നിയമസഭാംഗമായ റെഡ്ഡിയുടെ ബിസിനസ് സ്ഥാപനങ്ങളും അദ്ദേഹത്തിന്റെ പ്രധാന സഹകാരികളുടെയും ബന്ധുക്കളുടെയും സ്വത്തുക്കളും ഉൾപ്പെടെ ബെംഗളൂരുവിലെ അഞ്ച് സ്ഥലങ്ങളെങ്കിലും വിദേശ വിനിമയ മാനേജ്മെന്റ് ആക്ട് (ഫെമ) സെക്ഷൻ 37ന്റെ പരിധിയിൽ വരുന്നുണ്ടെന്ന് ഇഡി അധികൃതർ പറഞ്ഞു. .
ചിക്കബള്ളാപുര ജില്ലയിലെ ബാഗെപള്ളിയിൽ നിന്നും മൂന്ന് തവണ എംഎൽഎ ആയി തിരഞ്ഞെടുക്കപ്പെട്ട റെഡ്ഡി, കർണാടക സീഡ്സ് കോർപ്പറേഷൻ ചെയർമാനാണ്. ആദ്യം സ്വന്തന്ത്ര സ്ഥാനാര്ഥിയായി മത്സരിച്ച് ജയിച്ച റെഡ്ഡി പിന്നീട് കോൺഗ്രസിൽ ചേർന്ന് 2018, 2023 തിരഞ്ഞെടുപ്പുകളിൽ വിജയിച്ചു.
SUMMARY: Illegal assets: ED raids Karnataka Congress MLA’s house
