ലഖ്നൗ: ഉത്തർപ്രദേശിലെ ഗോരഖ്പൂരില് മലയാളി ഡോക്ടർ മരിച്ച നിലയില്. ബിആർഡി മെഡിക്കല് കോളേജ് ഹോസ്റ്റല് റൂമിലാണ് തിരുവനന്തപുരം നെയ്യാറ്റിൻകര സ്വദേശി അഭിഷോ ഡേവിഡി(32)നെ മരിച്ച നിലയില് കണ്ടെത്തിയത്. പിജി മെഡിക്കല് വിദ്യാർഥിയായിരുന്നു അഭിഷോ. അഭിഷോ ഡ്യൂട്ടിക്ക് എത്താത്തതിനെ തുടർന്ന് സഹപ്രവർത്തകർ നടത്തിയ പരിശോധനയിലാണ് സംഭവം പുറത്തറിയുന്നത്.
മുറിയുടെ പൂട്ടു തകർത്ത് അകത്തു കയറിയപ്പോള് കട്ടിലില് മരിച്ചനിലയില് കണ്ടെത്തുകയായിരുന്നു. പോസ്റ്റുമോർട്ടത്തിന് ശേഷമേ മരണകാരണം വ്യക്തമാകൂ. ഒരു വർഷം മുമ്പാണ് വിവാഹം കഴിഞ്ഞത്. സംഭവത്തില് ഗുല്റിഹ പോലീസ് അന്വേഷണം ആരംഭിച്ചിട്ടുണ്ട്.
SUMMARY: Malayali doctor found dead in Uttar Pradesh
