ചെന്നൈ: തമിഴ് നടൻ വിജയ്യുടെ രാഷ്ട്രീയ പാർട്ടിയായ തമിഴക വെട്രി കഴകത്തിന്റെ (ടിവികെ) കൊടിയില് ചുവപ്പ്, മഞ്ഞ നിറങ്ങളുടെ ശ്രേണി ഉപയോഗിക്കുന്നത് നിരോധിക്കണമെന്ന് ആവശ്യപ്പെട്ട് സമർപ്പിച്ച ഹർജിയില് മദ്രാസ് ഹൈക്കോടതിയുടെ നോട്ടീസ്. പാർട്ടി അധ്യക്ഷൻ ആയ വിജയ്ക്കാണ് കോടതി നോട്ടീസ് അയച്ചത്.
കൊടിയില് ഉപയോഗിച്ചിരിക്കുന്ന നിറങ്ങള് ‘മോഷണ’മാണെന്ന് ആരോപിച്ച് സ്വതന്ത്ര സംഘടനയായ തൊണ്ടൈ മണ്ഡല സാൻട്രോർ ധർമ പരിപാലന സഭയാണ് മദ്രാസ് ഹൈക്കോടതിയെ സമീപിച്ചത്. ഉല്പന്നങ്ങള്ക്കുള്ള രജിസ്റ്റേർഡ് മുദ്ര രാഷ്ട്രീയ പാർട്ടിയുടെ പതാകയ്ക്ക് എങ്ങനെ ബാധകമാകുമെന്ന് കേസ് പരിഗണിച്ച ജസ്റ്റിസ് സെന്തില് രാമമൂർത്തി ചോദിച്ചു.
രജിസ്റ്റേർഡ് മുദ്ര സന്നദ്ധ സംഘടനകള്ക്കും ട്രസ്റ്റുകള്ക്കും ബാധകമാണെന്ന് ഹർജിക്കാരന്റെ അഭിഭാഷകൻ മറുപടി നല്കി. തുടർന്ന് വിഷയത്തില് രണ്ടാഴ്ചയ്ക്കകം മറുപടി നല്കണമെന്നാവശ്യപ്പെട്ട് ടിവികെയ്ക്കു കോടതി നോട്ടീസ് അയച്ചു. ടിവികെ പതാകയില് ആനയുടെ ചിഹ്നം ഉപയോഗിക്കുന്നതിനിടെ ബിഎസ്പി നല്കിയ കേസ് ഹൈക്കോടതിയില് തുടരുന്നതിനിടെയാണ് പുതിയ വിവാദം.
SUMMARY: Madras High Court issues notice to Vijay over ‘copycat’ in TVK Kodi
WhatsApp
Telegram
